அருமைநாயகம் சட்டம்பிள்ளை(1823-1918)

 

நாசரேத்தை அடுத்த பிரகாசபுரம் மூக்குப்பேறியை சேர்ந்தவர் அருமை நாயகம் சட்டம்பிள்ளை. அருமைநாயகம், சட்டம்பிள்ளை அல்லது சுத்தம்பிள்ளை எனப் பிரபலமாக அறியப்பட்டவர், ஒரு மதச்சார்பற்ற மற்றும் சுதந்திரமான கிறிஸ்தவ இந்து தேவாலயத்தை நிறுவியவர். இந்திய துணைக் கண்டத்தின் வரலாற்றில் முதல் முறையாக மேற்கத்திய மிஷனரிகளின் ஆதிக்கத்தை நிராகரித்தவர். ஒரு மதச்சார்பற்ற மற்றும் சுதந்திரமான இந்து -கிறிஸ்தவ தேவாலயத்தை நிறுவி வங்காள மற்றும் மெட்ராஸ் பிரசிடென்சியை மையமாகக் கொண்டு மேற்கத்திய ஆதிக்கம் செலுத்தும் நிறுவனமயமாக்கப்பட்ட தேவாலயங்களுக்கு எதிராக போராட துணிந்தார்.  இந்திய துணைக் கண்டத்தின் வரலாற்றில் முதல் முறையாக மேற்கத்திய மிஷனரிகளின் ஆதிக்கத்தை நிராகரித்தவர்.

 

1642 ஆம் ஆண்டில் கொற்கையை அடுத்த வெள்ளக்கோயில் என்ற ஊரில் குடிபடைகளுடன் பெரும் நிலக்கிழாராக வாழ்ந்து வந்தவர்கள். திருமலைநாயக்கரின் பிரதிநிதியாக திருநெல்வேலியின் கவர்னராக நியமிக்கப்பட்ட வடமலையப்ப பிள்ளையின் நடவடிக்கைகள் காரணமாகத் தமது நிலங்களைக் கொற்கைக் காணியாளரான, நற்குடி வேளாளர்களிடம் விற்றுவிட்டுக் ஓட்டப்பிடாரம் அருகிலுள்ள ராஜாவின் கோயில் என்ற ஊரில் குடியேறினர்.  18ஆம் நூற்றாண்டின் முற்பகுதியில் நாசரேத் நகரம் உருவாக்கப்பட்டபின், அவ்வூரை ஒட்டி அமைந்துள்ள பிரகாசபுரம் மூக்குப்பேரியில் குடியேறினர்

 

 சாயர்புரத்திலிருந்த எஸ்.பி.ஜி. (Society for the Propagation of the Gospel)யைச் சேர்ந்த செமினரியில்  இறையியல் கற்று போதகர் (Catechist) தேர்வில் முதலிடம் பெற்றவர். சம்ஸ்கிருதம், ஹீப்ரு, லத்தின், கிரேக்கம் ஆகிய மொழிகளும் கற்றுத்  தேர்ந்தவர் ஆக இருந்தார்.

 

18 ஆம் நூற்றாண்டின் முற்பகுதியில் திருநெல்வேலி மாவட்டத்தில் தங்கள் மிஷன் நிறுவனங்களை நிறுவத் தொடங்கினர். முதலில் முதலூரில், அதைத் தொடர்ந்து பெத்லஹேம் மற்றும் நாசரேத் ஊரில் 1803ல் நிறுவினர். அக்கால அளவில் 5000 க்கும் அதிகமான நாடார் இன மக்கள் கிறித்தவர்களாக மாறினர்.

 

சாயபுரத்தைச் சேர்ந்த  உள்ளூர் மத போதகரான, பள்ளர் இனத்தை சேர்ந்தவர் டேவிட் . இவர் நாடார் இனமக்களை இளப்ப ஜாதி என்று அழைத்தார் என்ற ஒரு பிரச்சினை உருவானது.  கோபம் கொண்ட நாடார் மக்கள், ஹக்ஸ்டேபில்() வெள்ளைக்கார மிஷினரியிடம் முறையிட்டனர். டேவிட் மன்னிப்புகோரி பின் வேலையில் தொடர்ந்தார். பள்ளியின் கண்காணிப்பாளராக இருந்த சட்டம் பிள்ளையோ டேவிடை பள்ளியில் இருந்து வெளியேற்ற முயன்றார். அதை கேமரெரர் அனுமதிக்கவில்லை. இதனால் கேமரெராருக்கும் சட்டம் பிள்ளைக்கும் ஒரு பிணக்கு உருவானது. இந்நிலையில்  அருமைநாயகத்திற்கு முடிவான பெண்ணை  மணமுடிக்க கேமரெரர் அனுமதிக்கவில்லை.  தனக்கு நிச்சயமாயிருந்த பெண்ணை தானே இறைவழிபாடு செய்து 1850 ல் திருமணம் செய்து கொண்டார் போதகராக இருந்த சட்டம்பிள்ளை. இந்த நிலையில் மிஷினரிகளால்  பணிநீக்கம் செய்யப்பட்டார் அருமைநாயகம்.

 

மறுபடியும் போதகராக வேலையில் சேரும் முயற்சியாக மேலதிகாரிகளான வெள்ளைக்கார மிஷினரிகள் அனுமதி பெறும்  எண்ணத்துடன் அருமைநாயகம் நாடார் என்கிற சட்டம்பிள்ளை சென்னைக்கு வந்திருந்தார். அப்போது கால்டுவெல் வெளியிட்ட கையெழுத்து பிரதியான ”தின்னவெல்லி ஷானர்கள்: மதம் மற்றும் அவர்களின் தார்மீக நிலை மற்றும் பண்புகள் பற்றிய ஒரு எழுத்து” என்ற நூலைப் படிக்க நேர்ந்தது. புத்தகத்தின் உள்ளடக்கத்தை கண்டு கொதித்து போனார். நாசரேத்துக்கு திரும்பி வந்த சட்டம்பிள்ளை, சில நண்பர்களையும் இணைத்து ஆங்கிலத்திலுள்ள கால்டுவெல்லின் கையெழுத்து பிரதியை தமிழில் மொழியாக்கம் செய்து தமிழகம், இந்தியா, மற்றும் மலேசியா பர்மாவில் இருந்த முக்கியமான நாடார்களுக்கு அனுப்பினார்.

 

ஐரோப்பாவின்  வாழ்ந்த  கிறிஸ்தவ சமயத்தைச் சேர்ந்த மக்களிடையே இந்திய மக்கள் கொடிய காட்டுமிராண்டி நிலையில் வாழ்கிறார்கள் என்பது போன்ற மிகையான தோற்றத்தினை உருவாக்கும் நோக்கிலும், இத்தகைய காட்டுமிராண்டி மக்களிடையே கல்வியறிவையும் ஒழுக்கத்தையும் பரப்புகிற உன்னதமான தியாகம் செறிந்த பணியினைப் பாதிரிமார்களாகிய தாங்கள் மேற்கொண்டிருப்பது போன்ற ஒரு மாயையைத் தோற்றுவிக்கிற வகையிலும் எழுதிப் பணம் வசூலிக்க ஏதுவாகவே அவதூறு நிறைந்த இந்நூலினைக் கால்டுவெல் எழுதியுள்ளார் எனச் சட்டாம்பிள்ளை  உரிய ஆதாரத்துடன் பிரச்சாரம் செய்யத் தொடங்கினார்.

 

இவரும் சில ஆதரவாளர்களும் சேர்ந்து பிரகாசபுரத்தில் தங்களுக்கு தனி ஆலயம் நிறுவினர். இந்நிலையில் கேமெரெரர் 20 வருடம் நாசரேத்தில் சேவை செய்த  இவர் தஞ்சாவூருக்கு 1858 ல் மாற்றப்பட்டார்.

 

கால்டுவெல்லின் தின்னவெல்லி ஷானர்கள் என்ற நூலைத் தமிழாக்கம் செய்து அச்சிட்டு, ஆங்கிலம் அறியாத தமிழக நாடார்கள் மற்றும் பர்மா, சிலோன் நாடார் சமூகத்தவர் மத்தியிலும் பரப்பினார். கால்டுவெல் பரப்பும் அவதூறுகளுக்கு பதில் உரைக்க 40 புத்தகங்கள், சில கைப்பிரதிகளும் வெளியிட்டார்.

 

கால்டுவெல்லில் எழுத்தால் அவமதிப்பிற்கு உள்ளான நாடார் இன மக்கள் குரலாக தமிழ் பாதிரியாக இருந்த மார்டின் வின்ஃபிரட் என்பவர் ’சான்றோர் குல மரபு’ என்ற புத்தகத்தை 1871 ல் எழுதினார். அவருடைய தந்தை வின்பிரட் 1875 ல் ’சான்றோர் குல மரபு கட்டளை’ என்ற இன்னொரு புத்தகத்தை எழுதினார். சாமுவேல் சர்குணனார் என்பவர் ’திராவிட சத்திரியா’ என்ற கையெழுத்து பிரதியை 1880 ல் எழுதினார். சர்குணனார் கையெழுத்து பிரதிக்கு பதில் இலங்கையை சேர்ந்த செந்திநாத ஐயரிடம் இருந்து ’சாணார்கள் சத்திரியர்கள் அல்ல’ என்ற தலைப்புடன் ஒரு புத்தகம் வந்தது.   சாணார்களுக்கு இடுப்பில் வேஸ்டி கட்ட கூட தெரியாது, கால்டுவெல்லால் தான் முன்னேறினர் என்று எழுதி இருந்தார். ”செந்திநாத ஐயருக்கு செருப்படி” என்ற பதில் கையெழுத்து பிரதியை வினியோகித்த குற்றத்திற்காக சர்குணனார் கைது செய்யப்பட்டார். ஞானமுத்து நாடார் மற்றும் விஜய் துரைசாமி கிராமணி போன்றோர் நாடார்கள் சத்திரியர்கள் என்பதற்கான சான்றுகளுடன் 1919துவங்கி 1020 வரை மாதாந்திர பத்திரிக்கைகள்  வெளியிட்டனர்

 

கால்டுவெல் ஸ்காட்லான்டு சென்றதும் அவர் திருநெல்வேலிக்கு திரும்பி வராது இருக்க வேண்டும் என்ற நோக்கில் பல புகார்கள் ஐரோப்பிய தலைமையான பிஷப் சென்றர்பரிக்கு அனுப்பினர் சட்டம்பிள்ளை குழுவினர். ஒரு கட்டத்தில் இங்கிலாந்து பிரதமர் கிளாட்ஸ்டோனுக்கும் அனுப்பினர். ஆனால் பிரதமரான தன்னால் உள் நாட்டு பிரச்சினையில் தலையிட இயலாது என்று கூறி ஒதுங்கி கொண்டார்.

இந்து-கிறிஸ்துவ தேவாலயம்

1857 இல் சட்டம்பிள்ளையால் சட்டம்பிள்ளை 1857 இல் திருநெல்வேலி மாவட்டம் பிரகாசபுரத்தில் மிஷனரி அதிகாரத்தைத் தகர்க்க இந்து-கிறிஸ்தவ மதத்தை நம்பிக்கையாகக் கொண்ட தனது புதிய தேவாலயமான இந்து-கிறிஸ்தவ இந்து தேவாலயத்தை நிறுவினார். "இந்து" என்ற வார்த்தையை மதத்தை விட புவியியல் என்று விளக்கினார். ஒரே கலாச்சார சூழலில் வாழும் பொருளில் தனது ஆலயத்தை துவங்கினார். இந்தியாவில் மதம் மாறிய கிறித்தவர்கள் தங்கள் உள்ளார்ந்த சமூக, சமய மற்றும் கலாச்சார வகைகளைப் பயன்படுத்தி கிறிஸ்தவத்தை விளக்கவும் வெளிப்படுத்தவும் தொடங்கினர்.

 இந்து கலாச்சார நடைமுறைகள் யூத கலாச்சார நடைமுறைகளை ஒத்ததாக சட்டம்பிள்ளை கூறினார். அவர் இயக்கம் சில இந்து கலாச்சார நடைமுறைகளை பின்பற்றச் செய்தது. தேவாலயத்தின் சடங்குகளில்." இந்த தேவாலயத்தில் "பெண்களுக்குக் காரணமான சடங்கு அசுத்தங்கள்" போன்ற பழைய ஏற்பாட்டு சடங்கு நடைமுறைகள் நடைமுறையில் உள்ளன, ஏனெனில் இந்த வகையான நடைமுறைகள் இந்து மத சடங்குகளில் காணப்படுகின்றன.

 

1857 ஆம் ஆண்டு இந்தியக் கிளர்ச்சியின் ஒரு பகுதியாக பிரிட்டிஷ் ராஜ்ஜியத்திற்கு எதிரான எழுச்சி ஏற்கனவே வட இந்தியாவில் நிகழ்ந்து கொண்டிருந்தது. சட்டம்பிள்ளை தனது தேவாலயங்களில் மேற்கத்திய மேலாதிக்கத்திற்கு எதிராக இரு மடங்கு உத்தியைப் பயன்படுத்தி கிளர்ச்சி செய்தார். கிறிஸ்துவை ஐரோப்பிய தேவாலயத்திலிருந்து பிரித்து, பூர்வீக மரபுகள் மற்றும் பழக்கவழக்கங்களை கிறித்துவத்திற்கு இடமளித்து, மேற்கத்திய மிஷனரிகளின் அதிகாரத்தை குறைமதிப்பிற்கு உட்படுத்துவதில் வெற்றி பெற்றார். பிரிட்டிஷ் ராஜ் ஆதரவுடன் புதிய ஏற்பாட்டை நோக்கி நகரும் மேற்கத்திய மிஷனரிகளுக்கு எதிரான மாற்று மருந்தாக புதிய ஏற்பாட்டை விட பழைய ஏற்பாட்டை ஆதரிக்கும் எபிரேய வேதங்களையும் யூத பழக்கவழக்கங்களையும் அவர் திருச்சபையில் கையகப்படுத்தினார்.

 

இந்து கலாச்சார நடைமுறைகள் யூத கலாச்சார நடைமுறைகளை ஒத்ததாக இருக்கிறது என்ற கருத்துக் கொண்டவர் சட்டம்பிள்ளை. அவரது அணுகுமுறையும் "இந்து கலாச்சாரம்” என்று கருதப்படும் இந்திய கலாச்சாரங்களை" அவரது நாட்டு சபை வழிப்பாடில் இணைத்துக்கொள்ள வைத்தது. உள்நாட்டு கலாச்சார பழக்கவழக்கங்கள் மிகவும் வரவேற்கப்பட்டன. ஐரோப்பிய பழக்கவழக்கங்கள் என்று தோன்றிய அனைத்தையும் நிராகரித்தனர், மேலும் அவர்களின் தேவாலயம் மற்றும் மத சேவைகளை உள்நாட்டு வழிகளில் ஏற்பாடு செய்தனர். சாஷ்டாங்கம், தியானம், சாம்பிராணி பயன்படுத்துதல், தெய்வங்களுக்கு பிரார்த்தனை செய்யும் போது கைகளை மடக்குதல், வைனுக்கு பதிலாக புளிக்காத திராட்சை சாறு பயன்படுத்துதல் மற்றும் தரையின் உட்கார்ந்து திருச்சபையின் சடங்குகள் செய்வதை கிறிஸ்தவ ஆராதனையில் நடைமுறைப்படுத்தினார். பழைய ஏற்பாட்டு சடங்குகளான இந்து மத சடங்குகளில் இருப்பது போன்ற "பெண்கள் சார்ந்த  சடங்கு அசுத்த நடைமுறைகளும் இந்த தேவாலயத்தில் பின்பற்றுகின்றனர். ஆங்கிலிகன் தேவாலயத்தில் மணிகளைப் பயன்படுத்துவது போலல்லாமல், தேவாலய கோபுரத்திலிருந்து ஒரு எக்காள சத்தம் விசுவாசிகளை வழிபாட்டிற்கு அழைக்க பயன்படுத்துகின்றனர். மேலும் கோயிலுக்குள் நுழைவதற்கு முன்பு தங்கள் கைகளையும் கால்களையும் கழுவுகிறார்கள், பொதுவாக வழிபாடு சனிக்கிழமை நாட்களில் நடைபெறும். இந்த தேவாலயத்தைச் சேர்ந்தவர்கள் சனிக்கிழமை வேலை செய்ய மாட்டார்கள். சனிக்கிழமைக்கான உணவு வெள்ளிக்கிழமை மாலை 6 மணிக்கு முன் செய்யப்படுகிறது. பழைய ஏற்பாட்டு நாட்களில் பின்பற்றப்பட்ட பண்டிகை நாட்களைக் கொண்டாட யூத நாட்காட்டியைப் பயன்படுத்துகின்றனர்.

 

 

கான்ஸ்டன்டைன் மற்றும் தியோடோரஸ் போன்ற ரோமானிய மன்னர்கள் கிறிஸ்தவ மதத்திற்கு மாறி, புனித திருச்சபையின் சட்டங்களில் திருமணம் தொடர்பான அவர்களின் சொந்த ஒழுக்கக்கேடான விதிகளை அறிமுகப்படுத்தினர்; அதை, உண்மையான பாதையில் இருந்து விலகிய ஐரோப்பியர்கள் பின்பற்றினர்  என்றும் சட்டம்பிள்ளை எழுதினார்.

 

எபிரேய பைபிளில் கொடுக்கப்பட்டுள்ள சட்டங்களை ஏற்க வேண்டும் என்று சட்டம்பிள்ளை பிரசங்கித்தார். சத்தம்பிள்ளையின் கூற்றுப்படி, ஆங்கிலிக்கன் சபை என்பது ஐரோப்பிய கிறிஸ்தவர்களின் பல தார்மீக குறைபாடுகள் மற்றும் மீறல்களில் ஒன்றாகும். ஐரோப்பிய கிறிஸ்தவர்களால் கிறிஸ்தவத்தின் அசல் வடிவத்தின் மீது ஏற்படுத்தப்பட்ட சிதைவுகளைச் சரிசெய்ய  சட்டம்பிள்ளை முயன்றார்.

 வை. ஞானமுத்து நாடார் திருநெல்வேலி நீதிமன்றத்தில் பணி செய்த ஒரு தமிழ் கிறிஸ்தவ எழுத்தர். பழங்கால மற்றும் நாடார் இனத்தின் பிரதிநிதி ஆக இருந்தார். பிரிட்டிஷ் அரசு கால்டுவெல்லைத் கட்டுப்படுத்த வேண்டும் மற்றும் புண்படுத்தும் புத்தகத்தை அகற்ற வேண்டும் என்று கோரினார். 1880 மற்றும் 1885 க்கு இடையில் மதம் பரப்ப கிராமங்களுக்குச் சென்ற பிஷப்புகளுக்கு இடையூறு விளைவித்தார். மிஷினரிகளின் சாதி பற்றிய அவதூறான அறிக்கைகளை திரும்பப் பெறக் கோரி, SPG மிஷனரிகளுக்கு எதிராக ஞானமுத்து தனது போராட்டத்தைத் தொடர்ந்தார். ஞானமுத்து தொடர்ந்து ஐரோப்பிய மிஷினரிகளுக்கு எதிராக எழுதினார்.

 

ஐரோப்பிய மிஷனரிகள் தங்கள் மதம் மாறியவர்களை அவர்கள் உணர்வு நிலையை புரிந்து கொள்ளாது மரியாதை இல்லாது நடத்துகின்றனர். ஆனால் பரலோக ராஜ்யத்திற்கு சமமான உரிமைகோரல்களைக் கொண்டிருப்பதாக ஒப்புக்கொள்வது போல் நடிக்கின்றனர்.

 

மேற்கத்திய திருச்சபைக்கு எதிராக கிளர்ச்சி செய்த படித்த நாடார்கள் அடங்கிய சட்டம்பிள்ளை இயக்கம், கால்டுவெல்லுக்கு எதிராக ”தின்னவேலி ஷானர்கள் “ என்ற புத்தகத்தை நீக்கக் கோரி போராட்டம் நடத்தினர். இந்த முயற்சியின் ஒரு பகுதியாக, கால்டுவெல்லின் ஷானர்களின் சித்தரிப்புக்கு எதிரான, அவர்களின் கூற்றுகளை நிரூபிக்க நாடார்கள் தொடர்ச்சியான வாதங்களை முன்வைத்தனர், தெரு முனையில் சொற்பொழிவு செய்து, துண்டுப்பிரசுரங்களை வெளியிட்டனர், மேலும் 1880 ஆம் ஆண்டின் தொடக்கத்தில் சென்னை மாகாணத்தில் உள்ள பிரிட்டிஷ் ராஜாவிடம் அதிகாரப்பூர்வ மனுவை தாக்கல் செய்தனர். கேவலமான Tinnevelly Shanars வெளியீட்டை திரும்பப் பெறவும் மற்றும் ராபர்ட் கால்டுவெல்லை கண்டிக்கவும் பரிந்துரைத்தனர்.இதன் விளைவாக பிப்ரவரி 1880 ஆம் ஆண்டு CMS பதிவில் அச்சிடப்பட்ட ஒரு கடிதத்தில், குறிப்பாக ஷனர்கள் "இந்துக்கள் அல்ல" என்ற அவரது மதிப்பீட்டை அறிக்கைகளை ஓரளவு திரும்பப் பெற்றதாகத் தெரிகிறது.

 

1881ஆம் ஆண்டில் கால்டுவெல்லின் History of Tennevelli என்ற நூல் சென்னை அரசினர் அச்சகத்தில் அச்சிட்டு வெளியிடப்பட்டது. இந்நூலிலும் நாடார் குலத்தவர் பற்றிய அவருடைய கருத்து எந்த மாற்றமுமின்றிப் பதிவு செய்யப்பட்டுள்ளது. அதன் எதிரொலியாகச் சான்றோர் சமூகத்தவர்கள் கால்டுவெல்லுக்குக் கொலை மிரட்டல்கள் விடுத்தனர்.

 

 அந்த ஆண்டிலேயே அவர் திருநெல்வெலிப் பகுதியில் நிம்மதியாக வாழ முடியாத நிலை தோன்றியதால் கோடைக்கானலில் குடியேற நேர்ந்தது. 1891ஆம் ஆண்டில் கோடைக்கானலிலேயே மரணமடைந்த பிறகுதான் அவரது உயிரற்ற உடல் இடையன்குடிக்குத் திரும்ப நேர்ந்தது

 

மேலும் வங்காள மற்றும் மெட்ராஸ் பிரசிடென்சியை மையமாகக் கொண்டு மேற்கத்திய ஆதிக்கம் செலுத்தும் நிறுவனமயப்படுத்தப்பட்ட தேவாலயங்களுக்கு எதிராகப் போராட வழிவகுத்தது மட்டுமல்ல அன்று முதலே கிறிஸ்தவத்தின் இந்தியமயமாக்கல் என்பது ஆரம்பமானது.  

 

செவன்த் டே அட்வென்டிஸ்ட் தேவாலயத்தின் துவக்கம்

இந்திய சூழலில், சமூக, கலாச்சார மற்றும் மத ரீதியாக தென்னிந்தியாவில் முதல் செவன்த் டே அட்வென்டிஸ்ட் தேவாலயத்தை நிறுவுவதற்கு மறைமுகமாக பொறுப்பானவராகவும் சட்டம்பிள்ளை இருந்துள்ளார் என்பது குறிப்பிட தக்கது.  

1893 ஆம் ஆண்டு அமெரிக்காவின் சிகாகோவில் நடந்த உலக மதங்களின் பாராளுமன்றத்தில் செவன்த் டே அட்வென்டிஸ்ட் பிரதிநிதி ஆற்றிய சொற்பொழிவு அடங்கிய சிறு புத்தகத்தின் நகலைப் பெற்றார். அதன்வழி பல்வேறு மதங்களில் உள்ள உண்மைகள் மற்றும் பொதுவான தன்மைகளை வெளிக் கொணர்ந்தார். ஏழாவது நாளை ஓய்வுநாளாகக் கடைப்பிடிப்பது யூதர்கள் மட்டுமே என்று நம்பிய சட்டாம்பிள்ளை, ஓய்வுநாளைப் பற்றி மேலும் தெரிந்துகொள்ளும் ஆர்வத்தில் நியூயார்க்கு மிச்சிகனில் உள்ள பேட்டில் க்ரீக்கில் உள்ள செவன்த் டே அட்வென்டிஸ்ட் அலுவலகத்திற்கு ஒரு கடிதம் அனுப்பினார். பதிலாக F. M. Woolcox என்பவர் ஒரு சில புத்தகங்கள் மற்றும் பத்திரிகைகளை பதில் அனுப்பினார்.

 

1906 இல், ஜே.எஸ். மினசோட்டாவைச் சேர்ந்த ஜேம்ஸ் தென்னிந்தியாவில் பணிபுரிய தேர்ந்தெடுக்கப்பட்டார்; அதன்படி, அவர் தனது மனைவி மற்றும் இரண்டு மகன்களுடன் பெங்களூருக்கு அட்வென்டிஸ்ட் மிஷனரியாக அனுப்பப்பட்டார்.  1908 ஆம் ஆண்டில், ஜேம்ஸ் ஜி.எஃப். ஏனோக் மற்றும் ஜே.எல். ஷாவுடன் சேர்ந்து ரயிலில் திருநெல்வேலிக்கு வருகை தந்தனர், மாட்டு வண்டியில் நாசரேத்தை அடைந்தவர்களை சட்டம்பிள்ளையின்  இந்து ஏக இரட்சகர் தேவாலயத்தில் இருந்த பெண்கள் மற்றும் குழந்தைகள் உட்பட நூற்றுக்கணக்கான மக்கள் கலந்துகொண்டு அற்புதமான சடங்குகளுடன் வரவேற்றனர். அவர்கள் ஒரு உள்ளூர் பள்ளியில் பத்து நாட்கள் தங்க வைக்கப்பட்டனர், ஜூலை 2, 1908 அன்று, ஜேம்ஸ் பெங்களூரை விட்டு வெளியேறி நாசரேத்தில்  தங்க முடிவு செய்ததால், தேவாலயம்; ஜேம்ஸுக்கு 1000 ரூபாய் மதிப்புள்ள இரண்டு ஏக்கர் நிலத்தை நன்கொடையாக வழங்கியது.

 

தென்னிந்தியாவில் செவன்த்-டே அட்வென்டிஸ்ட்களின் முதல் தேவாலயம் 50 உறுப்பினர்களுடன் 30 ஜனவரி 1915 அன்று பிரகாசபுரத்தில் முறையாக துவங்கப்பட்டது, இருப்பினும், அது உண்மையில் 1908 ஆம் ஆண்டிலேயே ஜேம்ஸ் மற்றும் சி.ஜி. லோரி தலைமையில் சமய வழிபாட்டுடன் செயல்பட்டது.  பின்னர், பிரகாசபுரத்தில் ஜேம்ஸ் மெமோரியல் பள்ளி என்ற பெயரில் ஒரு கல்வி நிறுவனத்தையும் தொடங்கியது அட்வென்டிஸ்ட் சர்ச்.

 

Read More

இந்திய இறையாமையை கெடுக்கும் மதஅடிப்படைவாதிகள்!!!

ரஃபேல் ஊழல் மும்முரமாக விவாதித்து கொண்டு இருந்தனர். ஆட்சிக்கே பங்கம் வந்து விடும் அளவிற்கு உள்கட்சியிலே கலவரம் ஆரம்பித்தது.. அதோ வந்து விட்டது “பெண்கள் சபரிமலைக்கு செல்லும் தீர்ப்பு சட்டம்”. திருமணத்திற்கு புறம்பான உறவு குற்றமல்ல என்ற ’448 சட்டம் ’ நல்லவர்கள் எல்லோரும் கள்ளக்காதல் பற்றியும், கடவுள் நம்பிக்கையற்றவர்கள் கூட ஆலய பிரேவசம்னம் பற்றி ஆர்ப்பரிக்க ஆரம்பித்து விட்டனர்.

பெண்கள் சபரிமலைக்கு போராடி செல்வதில் என்ன பெரிய விடுதலை வரப்போகிறது. எல்லா மதவும் பெண்களை அடிமைப்படுத்துவதும் துன்புறுத்துவதும் தான். மதவாதிகளின் கைகளில் சிக்காதிருந்தால் அவ்வளவிற்கு நல்லது. பெண்களுக்கு மலையேற விருப்பம் எனில் குஜராத் இருந்து துவங்கி கன்யாகுமரி கடலில் வந்து விடும் மேற்குத்தொடர்ச்சி மலையின் அழகான எந்த பகுதிக்கும் பயணம் செய்யலாம். பெண்கள் வேண்டாம், பெண்கள் இல்லாத இடம் வேண்டும் என ஆண்கள் செல்லும், அவர்கள் விருப்பத்திற்கும் மதிப்பு கொடுத்தாவது பெண்களே சபரிமலையை புரக்கணித்திருக்கலாம்.  ஆண்கள் சபரிமலை பயனம் ஊடாகயாது பெண்கள் இல்லாத சூழலையும் தெரிந்து பார்க்கட்டுமே.

பெண் எத்துறையில் இருந்தாலும் அது காவல் ஆகட்டும் நீதித்துறையாகட்டும், கல்வி ஆகட்டும்  ஏன் அரசியல் பணிகளில் கூட இரண்டாம் இடத்தில் தான் தள்ளப்பட்டு உள்ளனர். ஒரே வேலைக்கு பெண்கள் சம ஊதியம் பெறுவதும், வேலை பெறுவதிலும், வேலையிடத்திலும் படிக்கும், ஆளும் இடங்களில்  சம அந்தஸ்து கிடைக்க போராடியிருக்கலாம்.

பெண்கள் எதிர் கொள்ளும் ஏதாவது வழக்கிற்கு நீதித்துறை பெண் என்ற நிலையில் இருந்து பார்த்து சரியாக நீதி வழங்கியுள்ளதா? நீதிமன்றங்களில் வழக்காடும் பெண் வக்கீல்கள் நிலையே இரண்டாம் நிலை தான்.  ஏதாவது மதவாதி பெண்கள் நலனுக்காக பேசியுள்ளார்களா? அதுவும் இல்லை, வேலைக்கு போகிறவள் வேசி, வேலைக்கு போனாலும் வீட்டு வேலை பிள்ளை வளர்ப்பு, ஆணின் பெற்றோரை பார்த்து கொள்ளுதல் எல்லாவற்றிலும் சம அந்தஸ்து உள்ளதா? எல்லா பொறுப்பும் பெண்கள் தலையில் தான் கட்டிவைக்கின்றனர். கடவுள் கதைகளிலாவது பெண்ணுக்கு முன்னிரிமை உண்டா / அதுவும் இல்லை. பின் எதற்காக ஆலயம் செல்வதை பெண்கள் விடுதலையாக பார்க்கின்றனர் என தெரியவில்லை.

அடுத்த ஆயுதம் 497 என்ற சட்ட திருத்தம்
  திருமணத்துக்குப் புறம்பான பாலுறவு தண்டனைக்குரிய குற்றம் அல்ல ஆனால் அந்தக் குற்றத்தைக் காரணமாகக் காட்டி திருமண ஒப்பந்தத்தை மீறியமைக்காக விவாகரத்து கேட்கமுடியும் என்றே கூறுகின்றது.  https://www.theweek.in/news/india/2018/09/27/adultery-grounds-for-divorce--not-criminal-offense--supreme-cour.htmlஇந்த சட்ட திருத்ததை ஒரு ஆண் தான் கோரியுள்ளார். திருமணத்திற்கு புறம்பான உறவு பெணுவதில் ஆண்கள் மட்டுமே தண்டிக்கப்படுகின்றோம், சம உரிமை என்ற அடிப்படை உரிமைப்படி பெண்களுக்கும் தண்டனை கொடுங்கள் என்று வேண்டியுள்ளார் நீதிபதி இது தனிநபர் நெறிசார்ந்தது. இருவருக்கும் இந்த செயல் ’குற்றமல்ல’ ஆனால் இந்த செயலில் ஏற்படுபவர்களை விவாகரத்து செய்து விடும் உரிமை உண்டு எனக்கூறியுள்ளார். சொல்லப்போனால்  தனி நபர் உரிமையை மதித்து கொடுத்த  அருமையான தீர்ப்பு.  

திருமணம் என்பது ஆயிரம் காலத்து பயிர், நமது கலாச்சாரத்தின் அடிவேர், மதம், ஜாதியுடன் கலந்தது. ஆனால் இரு-மனம் சேராது கள்ள தொடர்பு வைத்து கொண்டு வாழும் திருமணம் திருமணம் அல்ல. நேர்மையா ஒப்பந்தத்தை மதித்து வாழுங்கள்,  இருவரில் ஒருவர் மீறினாலும் இருவரே மீறினாலும் விவாகரத்து வாங்கி விட்டு ஒப்பந்ததில் இருந்து விலகி விடலாம். கள்ள தொடர்பு வைத்து கொள்ள கொடுக்கு லைசன்ஸ் அல்ல, தம்பதிகளுக்கு கொடுக்கும் அச்சுறுத்தல். கள்ள தொடர்பில் ஏற்பட்டால் விவாகம் இரத்து செய்ய உரிமை உண்டு.

இதிலும் கள்ள தொடர்பு பேணும் தம்பதிகள் தான் பயப்பட வேண்டும் அச்சம் கொள்ள வேண்டும்.. இந்த முட்டாள் ஊடகவும் மக்கள் மனநிலைக்கு ஒத்தது போல்  செய்தியாகவும் சம்பவங்களாகவும் சட்டத்தை திரித்து கூறுகின்றது.

எல்லோருக்கும், மேற்குலகு, நாகரிக வாழ்க்கை வேண்டும்,. பயண்படுத்த பொருட்கள் வேண்டும். ஆனால் சட்டம் மட்டும் காலா காலத்திற்கு மாற்றம் பெறாத காலசூழலுக்கு ஒவ்வாத காட்டுமிராண்டி சட்டம் வேண்டும்.

இது ஒரு வழியில் போய் கொண்டிருக்கிறது என்றால் மைனாடிட்டி என்ற பெயரில்; இந்தியாவின் அரசியல்மைப்பு சட்டத்தை மதிக்காது கூவிக்கொண்டிருக்கும் மதவாதியை வளர்க்கின்றது இந்த மதவாதி அரசு. நாட்டில், மக்கள் உரிமைக்காக, மனித நலனுக்காக போராடுபவர்கள் குண்டர் சட்டத்தில் கைது செய்து பல மாதம் சிறைச்சாலையில் போட்டு தண்டிக்கும் அரசு; அடுத்தவர்களின்  மத நம்பிக்கையை உணர்வுகளை கேலி செய்து கலவரம் உருவாக்கும் கள்ள மதவாதிகளை சட்டத்தால் தண்டிக்காது வேடிக்கை பார்த்து கொண்டு மக்கள் மத்தியில் பெரும் கலவரம் வர காரணமாக செயல்படுகின்றது.

இந்தியாவில் குறிப்பாக தமிழகத்தில் இருந்து கொண்டு தமிழக கலாச்சார அடையாளமான கும்பகோணம் ஆலயங்களை ’சாத்தான் கூடாரம்’ என பரப்பி வரும் கள்ள மதவாதியை யாரும் கேள்வி கேட்பதில்லை. ஆனால் தங்களின் முகநூல் பக்கங்களில் இருந்து கொண்டு அந்த நபர் கூறிய அத்துமீறல் கருத்துக்கு நிகராக கிறிஸ்தவ மதத்தை பற்றி கேவலமாக கருத்து பகிர்ந்து கொண்டு; உண்மையான பன்முகத்தனமை கொண்ட கிறிஸ்தவர்களை மன வேதனைக்கு உள்ளாக்குகின்றனர். நாலுமாவடி கிறிஸ்தவம் அது ஒரு தனி நபர் கிறிஸ்தவம். கிறிஸ்தவ கோட்பாடுகளுக்கோ,கிறிஸ்தவ தலைமைக்கோ கீழ்படிந்தது அல்ல. எந்த வேலையும் அற்று. வீடு வீடாக காணிக்கை வாங்கி திரிந்த மனிதன் கோடிபதியாக மாறுகிறான் என்றால் இந்த ஊரில் உள்ள கிறிஸ்தவனின் அறிவீனம் தான். அங்கு சேர்த்து வைத்திருக்கும் சொத்துக்கள் கிறிஸ்தவ மக்களிடம் இருந்து காணிக்கையாக வாங்கினது தான். ஆனால் அரசு கூறுவது ’வெளிநாட்டு பணம்’ என்று. கிறிஸ்தவர்கள் மதமாற்றுகின்றனர் என குற்றம் கூறி கொண்டே இது போன்ற தனிநபர் மதம் பரப்புவர்களை அரசியல்வாதிகள் சந்தித்து ரகசியம் ஒப்பந்தம் வைத்து அரசியல் நடத்துகின்றனர் என்பது அனைவரும் அறிந்ததே. மதம் என்று ’மக்கள் இயக்கம்’ அல்லாது கார்ப்பரேட் ஆக மாறினதோ அன்று முதலே அரசுடன் இணைந்து ஊழல் செய்யும் அரசின் பங்காளிகளாகவும் மாறி விட்டது.

மத உணர்வுகளை தூண்டி விட்டதற்காக ஒரு பொதுநல வழக்கு பதிந்தாகக்கூட தெரியவில்லை. இவ்வகையில் பேசும் நபர் அப்படி முட்டாளும் கிடையாது. அந்த நபரின் பங்காளி தான் ”அடுத்தும் மோடியே பிரதமர்” ஆகுவார் என அருள்வாக்கு கூறியதுடன் மோடியை சந்தித்து ஆசிர்வாதவும் வாங்கி, வழங்கி சென்றதும்.  இந்த நாலுமாவடி நபரும் அரசியல் குறிவாக்கு சொல்வதில் சளைத்தவர் அல்ல. அடுத்த முதல்வரை தேவன் தேர்ந்து எடுக்க போகின்றார் என சோசியம் சொல்லி உள்ளார்.  https://www.facebook.com/suttavadai2/videos/1212345555596987/ யார் அந்த தேவ குமாரன் என்று தான் நோக்க வேண்டியுள்ளது. இது போன்ற பொறுபற்ற பேச்சுக்கள் அரசின் அனுமதியுடன், அரசுடன் இணைந்தே, மக்கள் கவனத்தை திருப்பும் நோக்குடன் வைரல் காணொளிகளை வெளியிடுகின்றனர் என்றே நான் சந்தேகிக்கின்றேன்.

பொறுப்பற்ற பேச்சால் சமூகத்தில் கலவரம் வெடிக்க வாய்ப்பு உண்டு. கிறிஸ்தவத்தில் பல நூறு பிரிவுகள் உண்டு. இதில் எந்த பிரிவு இது போன்ற முட்டாள் பேச்சு பேசினாலும்  அனைத்து கிறிஸ்தவ மக்களுக்கும் ஆபத்து தான். சொந்த தொழில் புரிந்து வரும் உழைக்கும் ஏழை எளிய கிறிஸ்தவ மக்கள் தான் பாதிக்கப்படுவார்கள்..

அரசின் சூழ்ச்சியாகவே இதைக்கருதி, மதம் கடந்து, மத பாகுபாடுகள் களைந்து சமூக நீதிக்கு புறம்பாக, மனித நலனுக்கு அரசியலமைப்பு சட்டத்திற்கு எதிராக பேசுவர்களை அனைவரும் சேர்ந்து எதிர்க்க வேண்டும்..

கிறிஸ்தவத்திற்குள் நடக்கும் ஜாதி, சபைச்சண்டைகளுக்கு கணக்கே இல்லை. இதில் கேரளா, தமிழக ஆலயங்களை ’சாத்தான்’ என கூவிக் கொண்டு கலவரம் உருவாக்குபவர்கள் சட்டத்தால் கண்காணிக்கப்பட வேண்டும், தண்டிக்கப்பட வேண்டும். அரசு இது போன்ற புல்லுருவிகளை பயண்படுத்தி கலவரம் கிளப்பி விடாது ஆரம்பத்திலே சட்டத்தால் தண்டிப்பது இந்திய இறையாமைக்கு நல்லது ஆகும்.

Read More

பாவத்தை போக்கும் பாபநாசம் !

பல மாதங்களுக்கு பின்பு ஒரு பயணம். பயணங்கள் நம் மனச்சுமையை நீக்க வல்லது. பாபநாசம் நோக்கிய பயணவும் எப்போதும் போல் மேற்கு தொடர்ச்சி மலையை நோக்கிய பயணம் போன்றது தான். பிறந்ததும் வளர்ந்ததும் மேற்கு தொடர்ச்சி மலை என்பதாலோ என்னவோ அடர்ந்த காடுகளும் அதன் ஊடே பாயும் நதிகளும் ஏதோ ஒரு வகையில் குழைந்தைப்பருவத்திற்கு அழைத்து செல்வது போன்ற உணர்வு.  எங்கள் குழந்தைப்பருவத்தில் பாடச்சாலைக்கு செல்வது, விளையாட செல்வது, என எல்லாம் மேற்கு தொடர்ச்சி மலையுடன் கலந்த வாழ்க்கை தான்.

பாபநாசம் திருநெல்வேலியில் இருந்து 30 கிமீ பயணித்தால் பாபநாசம் எட்டலாம். நாகர்கோயிலில் இருந்து என்றால் 100 கிமீ பயணிக்க வேண்டும். சிவ பார்வதி, இந்திரன் போன்ற கடவுளுகளுடன் இணைத்து பல பக்தி கதைகளும் உள்ளது. மருத்துவ குணம் கொண்ட பொதிகை மலையில் இருந்து வரும் வெள்ளம் இங்கு ஓடுவதால் நோய் நிவாரணியாக இத்தலம் பார்க்கப்படுகின்றது. மேலும் வன எல்கை வழி கடந்து சென்றால் 1942-ஆம் ஆண்டு மேற்கு தொடர்ச்சியில் உள்ள பொதிகை மலையில் கட்டப்பட்ட  அணைக்கட்டு,  புலிகள் சரணாலையம், காரையார் வானதீர்த்தம் போன்ற சுற்றுலா தலங்களும் சுற்றி வரலாம்.    மாலை 5.30 க்குல் மலையை விட்டு இறங்க  வீண்டும் என்பதால் காரையார் செல்ல அனுமதிக்க வில்லை காவலர்கள். இருப்பினும் அணைக்கட்டில் மின்சாரம் தயாரிப்பதை  பற்றிய சில தகவல்களை பயணிகளுடன் பகிர்வது கொண்டனர் . படம் எடுக்க தடைசெய்யப்பட்ட பகுதி என்றும் எடுத்துரைத்து படம் பிடிக்க தடுத்தனர்.

சிவபெருமானும் பார்வதி தேவியும் அகஸ்திய முனிவருக்கு காட்சி தந்து அருளிய இடமாக இது கருதப்படுவதால், இது ஒரு புண்ணிய ஸ்தலமாக திகழ்கிறது. இதற்கு மரியாதை செய்யும் விதமாக இங்கே நிறுவப்பட்டதுதான் அகஸ்தியர் கோயில்.

மலையில் இருந்து கீழ் நோக்கி வரும் போது வன மத்தியில் பாவநாச சிவன் கோயில் தெரிகின்றது. வரும் வழி யாவும் செடிகள் அபூர்வ மரங்கள் என காட்சி தரும் மலைக்கு  மஞ்சள் போட்டு வைத்தது போன்று சிவன் கோ யில் ந ம் பார்வைக்கு  தெரிகின்றது. பாண்டிய மன்னன்  விக்ரமசிங்கத்தால் கட்டப்பட்ட ஏழு கோபுரம் கொண்ட கோ யிலாகும் இது. 

பாபா நாசநாதர் கோயில்

பெயர்க்காரணம்: அசுர குருவான சுக்ராச்சாரியாரின் மகன் துவஷ்டா என்பவனை குருவாக ஏற்றான் இந்திரன். ஒருசமயம் துவஷ்டா அசுரர்களின் நலனுக்காக யாகம் ஒன்றை நடத்தினார். இதனை அறிந்த இந்திரன் அவரை கொன்று விட்டான். இதனால் அவனை பிரம்மஹத்தி தோஷம் பிடித்தது. பூலோகத்தில் பல தலங்களுக்கும் சென்று சிவனை வழிபட்டு விமோசனம் தேடினான். வியாழ பகவான் இந்திரனிடம், இத்தலத்தில் உள்ள சுவாமியை வணங்கினால் தோஷம் நீங்கும் என்றார். அதன்படி இந்திரன் இத்தலத்தின் எல்லைக்கு வந்தபோதே பாவம் நீங்கப்பெற்றான். இந்திரனின் பாவத்தை நீக்கிய சிவன் என்பதால் இவரை "பாபநாசநாதர்' என்கின்றனர். இத்தலத்திற்கு "இந்திரகீழ க்ஷேத்திரம்' என்ற பெயரும் இருக்கிறது. கட்டுரை

இப்படியாக சிறப்பு பெற்ற கோயிலிலிருந்து ஓடும் நதியை காணும் வண்ணமாக மண்டபம், ஆற்றிவழிபாடு மற்றும் நீராட்டுக்கு என அருகில் செல்ல கலைநயத்துடனான அழகிய படிகட்டுகள் என காலத்தால் அழியாத கட்டிடக்கலையுடன் விளங்கி நிற்கின்றது. தண்ணீரையும் இறைவன் இருப்பிடத்தையும் பிரித்து பார்க்காத தமிழர் மத நம்பிக்கைக்கு எடுத்து காட்டும் விதம் அழகுடன் நிர்மாணித்து வைத்துள்ள ஆலய வளாகம் தற்காலம் வியாபார தளமாகவும்,  அடிப்படை பண்பாட்டை மறந்த மக்களின்  ஆசாரம், நம்பிக்கை மட்டும் சார்ந்து இருப்பதால்  தூய்மையாக பராமரிக்கும் தேவையை உணராது உள்ளது துயரை தருகின்றது.

நீராடி விட்டு உடைமாற்ற  என வைத்திருக்கும் கட்டிடம் பயணற்று இருப்பதால் பெண்கள் நடுவழிகளில் நின்று தான் தங்கள் உடைய மாற்ற வேண்டியுள்ளது. மக்கள் கூடும் இது போன்ற சிறப்பிடங்களில் சோப்பு போன்றவை பயண்படுத்தி விட்டு பாறைகளில் அப்படியே வைத்து விட்டு செல்வதும் சமூக அக்கறையற்ற செயல் மட்டுமல்ல இயற்கை ரசிக்கும் நோக்கத்துடன் ஆற்றில் ஆர்வத்துடன் இறங்கும் மக்கள் பாதுகாப்புக்கும் பங்கம் விளைவிக்கும் செயலுமாகு்ம்.   

 எல்லா சிந்தனை மத்தியிலும் மறுபடியும் நதியை நோக்கிய போது மனது சுமை நீங்கி அமைதி தளும்புவதை உணர்கின்றோம். ஒரு போதும் வற்றாத நதி தன் புண்ணிய தன்மையை வாரி வழங்கி கொண்டு எந்த பிரதிபலனும் எதிர் பார்க்காது காலத்தை மறந்து ஓடி கொண்டிருக்கின்றது

இயந்திர தன்மையான வாழ்க்கை சூழலில் சிக்கி கொண்டிருக்கும் இக்காலயளவில் இயற்கையின் கொடையான இவ்வித இடங்களை சுத்தமாகவும் தூய்மையாகவும் பாதுகாக்க வேண்டியது நமது கடமையாக உள்ளது. இத்தளங்கள் மத அடையாளங்களையும் கடநது  நம் பண்பாட்டை உலகம் ஒட்டும் எடுத்து செல்லும் அடையாளங்களாகவும் திகழ்கின்றது என்பதையும் நாம் எண்ணி பார்க்க வேண்டியுள்ளது. பண்பாட்டு தளங்களை சுத்தமற்ற வகையில் கையாளும் பொறுப்பற்ற சமூகமாக  மாறும் அவலம்  வருத்ததிற்குரியது . 

Read More