ஆண்கள் தினம் நவம்பர் 19

ஆண்கள் யார் ? மனிதவியல் நிபுணர்கள் , தனிப்பட்ட வரையறைகள், அனுபவங்கள், கருத்துக்களையும் தாண்டி, உலகத்தின் பல பகுதிகளில் மற்றும் வரலாற்றின் பல கட்டங்களில் உள்ள சமூகங்களில் உள்ள ஆண்கள் தன்மைகளை ஆய்வு செய்து வருகின்றனர்.

ஆண்களைப் பற்றிய விவாதங்களும் கருத்தாக்கங்களும் மற்றும் பாலினம் குறித்த ஆய்வுகளில் anthropology வழங்கிய பங்களிப்பு முக்கியமானவை. ஆண்கள் மற்றும் ஆண்மை குறித்து பயன்படுத்தப்படும் மொழிகளிலும் anthropology சிறப்பு கவனம் செலுத்தியது. ‘toxic’, ‘dominant’, ‘traditional’, ‘alpha’ போன்ற சொற்கள் மூலவும் வகைப்படுத்தி இருந்தனர்.

ஆண்மையின் கருத்தாக்கம் வரலாறுகளும் பண்பாடுகளும் மாறுவதன் அடிப்படையில் தொடர்ந்து மாற்றம் அடைந்துக் கொண்டிருக்கிறது.

பழமையான இலக்கியங்கள் கிமு 3000 காலத்தைச் சேர்ந்தவை. அவற்றில், ஆண்களிடம் உள்ள நேரடியான எதிர்பார்ப்புகள், , கடவுள்கள், மன்னர்களிள், வீரர்களிள், புராணக் கதைகளிலும் சட்டங்களில் உருவாக்கப்பட்ட ஆண்மையின் மாதிரிகளில் தெளிவாகக் காணப்படுகின்றன.

கிமு 1000-இல் எழுதப்பட்ட எபிரேய வேதத்தில், மன்னர் தாவீது மறைவதற்கு முன்னர் தனது மகன் சாலொமோனிடம் கூறுகிறார் துணிவாக இரு, ஒரு ஆணாக இரு.”

டாசிட்டஸ், தனது (கி.பி. 98) ஜெர்மானியா என்ற நூலில், அர்மீனியசை (Arminius) ஆண்மையின் உயரிய வடிவாகக் அவரது மனைவி துஸ்நெல்டாவை ரோமர் தளபதி ஜெர்மானிக்கஸ் கடத்திச் சென்றபின், அர்மீனியசின் ஆண்மை என்பது அவளை காப்பாற்றி கொண்டு வருவதில் இருந்தது என காட்டுகிறார்.

விக்டோரியன் காலத்தில், ஆண்மையின் கருத்து பழைய வீரத்திலிருந்து விலகியது.

வரலாற்றாசிரியர் ஜெஃப்ரி ரிச்சர்ட்ஸ், ஐரோப்பாவின் நடுக்கால “ஆண்மை” கிறித்தவத் தரிசனமும் கலந்ததாகக் கூறுகிறார் . தைரியம், பெண்களுக்கு கொடுக்கும் மரியாதை, ஆகியவை முக்கிய பண்புகளாக இருந்தன.

டேவிட் ரோசன் கருத்துப்படி ஆண்மை என்பது“ஆணை பெண்களிடமிருந்தும், பிற ஆண்களிடமிருந்தும், உணர்ச்சிகளிலிருந்தும், குடும்ப வாழ்க்கையிலிருந்தும் விலகச் செய்யும் ஒன்று.”பெண்களுடன் தொடர்புடைய பண்புகளை மறுப்பதே ஆண்மையுடன் தொடர்புடைய மற்றொரு அம்சமாகவும் கருதப்படுகிறது.

அராபுக் கலாச்சாரத்தில், ஹாதிம் அல்-தாயி ஒரு முழுமையான ஆண்மையின் வடிவமாகக் கருதப்படுகிறார். அவர் தனது குதிரையும் ஆயுதங்களையும் தவிர, தனது சொத்துக்களை எல்லாம் கொடுத்து விடுகிறவர்.

1831-ல் தத்துவஞானி தாமஸ் கார்லைல் எழுதினார்: “ஆண்மையின் பழைய கருத்து சிதைந்துவிட்டது; புதியது இன்னும் நமக்கு தெளிவாகத் தெரியவில்லை. இருட்டில் ஒவ்வொருவரும் வேறு வேறு உருவங்களைப் தேடுகிறார்கள், வெர்டெரிசம், பைரனிசம், ப்ரம்மெலிசம் ஒன்று பின் ஒன்றாக வருகிறது.”

19ஆம் நூற்றாண்டில் குத்துச்சண்டை அமெரிக்காவிலும் ஐரோப்பாவிலும் ஒரு தொழில்முறை விளையாட்டாக வளர்ச்சி பெற்றது. அதில் ஆண்மை என்பதை உடல் வலிமை மற்றும் தாக்குதல் தன்மைகள் வலியுறுத்தப்பட்டன. குத்துச்சண்டை அந்தக் காலத்தில் “உண்மையான ஆணின் கலை” எனக் கருதப்பட்டது.

நம் ஊரில் இதே இடத்தில் களரி வீரர்களை கணக்கில் கொள்ளலாம்.

20ஆம் நூற்றாண்டின் தொடக்கத்தில், மேற்கத்திய நாடுகளில் சாதாரண குடும்ப அமைப்பு இவ்வாறு இருந்தது:

தந்தை வெளியே சென்று வேலை செய்து வருமானத்தைப் பெறுவது (ஆண் பங்கு) தாய் வீட்டு வேலைகள், குழந்தைகள் மற்றும் முதியோர்களின் பராமரிப்பு (பெண் பங்கு) பெண்கள் ஊதியம் பெறும் வேலைகளில் ஈடுபட்டு குடும்ப வருமானத்தை உயர்த்தியிருந்தாலும், ஆண்களின் அடையாளம் பெரும்பாலும் வேலை மற்றும் பொருளாதார பங்களிப்பு என்ற கருத்தைச் சுற்றியே இருந்தது.

1974-ல், ஆர்ஹ். கூல்ட் ஒரு ஆண் குடும்பத்திற்குச் செய்யும் பொருளாதாரப் பங்களிப்பின் அளவைப் பொறுத்தே பெரும்பாலும் ஆண்மையை (masculinity) மதிப்பிடப்படுகின்றனர் என்கிறார். .

20ஆம் நூற்றாண்டின் இறுதியிலும் 21ஆம் நூற்றாண்டின் தொடக்கத்திலும் அதிகமாக மதிக்கப்பட்ட ஆண்மையின் வடிவமைப்பு சுயாதீனமானதோடு, பாலியல் ரீதியாக தன்னம்பிக்கை உடையவனாகவும், விளையாட்டுத் திறன் கொண்டவனாகவும் “ஆண்” என்று கருதப்படும் பொதுவான அடையாளங்களாக இருந்தன.

2008ஆம் ஆண்டின் ஒரு ஆய்வின்படி, ஆண்கள் நல்ல உடல்நலம், அமைதியான குடும்ப வாழ்க்கை, மனைவியோ துணையோ உடைய நல்ல உறவு ஆகியவற்றுக்கு, பெண்களிடம் வெற்றிப் பெறுவதையும் விட அதிக முக்கியத்துவம் வழங்குகின்றனர்.

தற்கொலை குறித்து நடைபெறும் மனிதவளவியல் ஆய்வுகளிலும் இதே போன்ற வாதங்கள் பொருந்துகின்றன. உலகளவில் பெண்களை விட மூன்று முதல் நான்கு மடங்கு அதிகமான ஆண்கள் தற்கொலை செய்கின்றனர், ஆனால் தற்கொலை செய்ய முயற்சிப்பது அதிகமாக பெண்கள்தான். எனவே, ஆண்களின் தற்கொலையை மனிதவளவியலில் பல கோணங்களில் இருந்து பகுப்பாய்வு செய்கின்றனர்; குறிப்பாக வன்முறை மற்றும் ஆண்மை என்பவை முக்கிய வடிகட்டிகளாக உள்ளன.

கடந்த நாற்பது ஆண்டுகளில் தற்கொலை குறித்துப் எழுதப்பட்ட பெரும்பாலான கல்வி ஆய்வுகள் மனநல மருத்துவம், உளவியல் மற்றும் சமூகப்பணி ஆகிய துறைகளிலிருந்து வந்தவையாகும், மேலும் அவை பெரும்பாலும் கடுமையான மனச்சோர்வு அனுபவிக்கும் தனிநபர்களை முன்னிறுத்துகின்றன. ஆதிக்கம் , மேலும் குடும்பத்தைக் கவனிக்க முடியாத நிலைக்கு தள்ளப்பட்ட குடியேற்ற ஆண்களில் காணப்படும் தற்கொலைப் பாங்குகள் போன்றவை ஆனால் மனிதவளவியலாளர்கள் சமூக காரணிகளைக் கவனத்தில் கொள்கின்றனர் .

சில்வேயா சாரா கனெட்டோ (2017) கண்டுபிடித்ததன்படி, வாழ்க்கையில் தெளிவான குறிக்கோள் குறைந்துவிட்டால் ‘வளைவில்லாத சமாளிப்பு’ (rigidity in coping) மற்றும் புதிய ‘சுயத்தை’ (sense of self) உருவாக்க முடியாத நிலை போன்றவை அமெரிக்காவின் வெள்ளை இன, நடுத்தர வர்க்க, ஓய்வு பெற்ற ஆண்களிடையே தற்கொலை அதிகரிக்கக் காரணமான சமூகச் செயலிகளாக இருக்கக்கூடும் என்கின்றனர்

மேலும் சமூக கலாச்சார காரணிகளே ஆண்களின் வன்முறையான நடத்தைக்கு மிகப் பெரிய காரணங்களாக விளக்கப்படுகின்றன.

இந்தியாவில் ஆண்மை பற்றிய பகுப்பாய்வு (Deconstructing Masculinity in India)

இந்திய ஆண்மை பல வரலாற்றுச் சூழல்களின் தாக்கத்தில் உருவானது.

இந்துக் புராணங்களில், ஆண்மையின் கருத்து இன்னும் நுட்பமானது.

பாரம்பரியமான வலிமை, தைரியம் ஆகியவற்றுடன், கருணை, ஞானம், மனக்கட்டுப்பாடு, சமச்சீரான அணுகுமுறை ஆகியவையும் அடங்கும். சிவன் தவமும் பேராற்றலும் கொண்டவர்; ஆனால் அதே நேரத்தில் அன்பு, படைப்பு, சமநிலை ஆகியவற்றையும் வெளிப்படுத்துகிறவர். விஷ்ணு உலகைப் பாதுகாக்கும் கடமையும் கொண்ட தர்மத்தின் மாதிரி. இங்கே “ஆதர்சமான ஆண்” என்பது தன்னைக் கட்டுப்படுத்துபவர், தர்மத்தை காக்குபவர், பாதுகாவலர், குடும்பத்துக்கு முன்னேற்றம் அளிப்பவர் என்று வரையறுக்கப்படுகிறது.

உதாரணமாக, பகவத்கீதை ஆண்மையின் முக்கிய பண்புகளாக கடமை (தர்மம்), சுயக்கட்டுப்பாடு ஆகியவற்றை வலியுறுத்துகிறது (Chakraborty, 2011). இவை அனைத்தும் பாரம்பரியமும் நவீனமும் கலந்த ஆண்மைக் கட்டமைப்பை உருவாக்கியுள்ளது.

இந்து மதம் கடமை, சுய கட்டுப்பாடு, பற்றின்மை ஆகியவற்றை ஆண்மையின் முக்கிய அம்சங்களாகக் காண்கிறது. இதற்கான உருவகமாக இராமரை குறிப்பிபடுகின்னர். இஸ்லாம் தைரியம், தாராளம், குடும்பத்தையும் சமூகத்தையும் பாதுகாப்பது ஆகியவற்றை ஆண்மையின் முக்கிய பண்புகளாகக் கருதுகிறது;

முகலாய காலம் (1526–1756) முகலாய ஆட்சிக்காலத்தில் அரச அரண்மனைப் பாரம்பரிய அன்பு, வீரியம், தாராளம் போன்றவை ஆண்மையின் முக்கிய அம்சங்களாகக் கருதப்பட்டன. அக்பர் பேரரசரின் ஆட்சியிலும் இது தெளிவாகத் தெரியிறது (Richards, 1993). நபி முகம்மது அவர்களின் வாழ்க்கை இதற்கு உதாரணம் (Schimmel, 1985). இம்மதக் கருத்துகள் இந்திய ஆண்மையை ஆழமாகப் பாதிக்கின்றன. இந்து ஆண்கள் கடமையை நிறைவேற்றும் பொறுப்புணர்வுடன் இருக்க வேண்டும் என எதிர்பார்க்கப்படும் நிலையில், முஸ்லிம் ஆண்களை தைரியமும் தாராளமும் கொண்டவர்களாகப் பார்க்கப்பட்டது (Osella & Osella, 2006).

மற்றும் பிரிட்டிஷ் காலனித்துவ காலம் (1757–1947) இதில் முக்கிய பங்காற்றின. பிரிட்டிஷ் ஆட்சியின்போது ஒழுக்கம், விவேகம், முன்னேற்றம் போன்ற மேற்கு மதிப்பீடுகள் இந்திய பண்பாட்டுடன் கலந்ததால் புதிய மற்றும் சிக்கலான ஆண்மைக் கருத்துக்கள் உருவானது (Chatterjee, 1993).

தற்போதைய இந்திய பண்பாட்டில் ஆண்மையின் கலாசார வடிவங்கள்

திரைப்படங்கள், கிரிக்கெட், ஹோலி, தீபாவளி போன்ற பண்டிகைகள் ஆகியவற்றின் மூலம். தைரியம், நம்பிக்கை, காதல் ஆகிய பண்புகளைக் கொண்ட ஆண் கதாபாத்திரங்கள் அடிக்கடி காட்சிப்படுத்தப்பட்டன.

பின்பு விளையாட்டு முக்கியமாக கிரிக்கெட் இந்தியர்களின் தேசிய பெருமையையும் ஆண்மையையும் இணைக்கும் விளையாட்டாக மாறினது. சச்சின் டெண்டுல்கர் போன்றவர்கள் ஒழுக்கமும் அர்ப்பணிப்பும் கொண்ட ஆண்மைக் கோட்பாடுகளுக்கான மாதிரிகளாகச் பார்க்கப்படுகின்றனர் (Appadurai, 1996).

காலப்போக்கில் சினிமாவின் ஆண்மைக் காட்சி மாறிவருகிறது. பாரம்பரிய வீரர்கள் இருந்து அதிக உணர்ச்சி வெளிப்படுத்தும் மென்மையான கதாபாத்திரங்களாக மாறியுள்ளன. சினிமாவின் தாக்கம் நகரங்களில் மட்டுமல்ல; செயற்கைக்கோள் தொலைக்காட்சி மற்றும் கைபேசிகள் மூலமாக கிராமங்களிலும் பரவியுள்ளது. இதன் மூலம் ஆண்மை மற்றும் நுகர்வோர் பண்பாட்டின் தொடர்பு மேலும் வலுப்பெறுகிறது.

இந்திய தொலைக்காட்சி தொடர்களும் ஆண்களை உணர்ச்சி வாய்ந்தவர்களாகவும் உறவு மையப்படுத்தப்பட்டவர்களாகவும் காட்சிப்படுத்தி ஆண்மையின் புதிய வரையறைகளை முன்வைக்கின்றன.

குடும்ப அமைப்பும் உறவுகளும் இந்திய ஆண்மையில் முக்கிய தாக்கம் செலுத்துகின்றன. தந்தை மையக் குடும்பங்களில் ஆண்கள் அதிகாரம் கொண்டவர்களாகக் கருதப்பட்டிருந்தனர். ஆனால் நகரமயமாதலும் நவீனமாதலும் இந்த அமைப்பை வெகு அதிகமாக மாற்றியது. பெண்களின் கல்வி, வேலைவாய்ப்பு அதிகரிப்பதும் ஆணாதிக்கம் கொண்ட கட்டமைப்புகளை சவாலில் ஆழ்த்துகிறது. கூட்டு குடும்பங்கள் குறைந்து, கணவன்–மனைவி சமத்துவம் மற்றும் அதிக உணர்ச்சி பகிர்வு உருவாகிறது.

நகரப் பகுதிகளில் வாழும் நவீன ஆண்கள் விருப்பம், சுயநிறைவு, உணர்ச்சி வெளிப்பாடு போன்ற பண்புகளை ஏற்றுக்கொண்டாலும் பாரம்பரிய ஆண்மைக் கட்டுப்பாடுகள் இன்னும் நிலைத்து நிற்கின்றன.

சமூக ஊடகங்களின் வளர்ச்சி இந்திய ஆண்மையை பெரிதும் மாற்றியுள்ளது. பேஸ்புக், ட்விட்டர், இன்ஸ்டாகிராம் போன்ற தளங்களில் ஆண்கள் வலிமை, ஸ்டைல், நகைச்சுவை போன்றவற்றை முன்னிறுத்தி ஆன்லைன் உருவங்களை உருவாக்குகின்றனர். ஆனால் சமூக ஊடகம் விஷ ஆண்மை, பெண் விரோதம் போன்ற பிரச்சனைகளையும் அதிகரிக்கிறது. இது ஆண்களின் பதட்டங்களையும் ஆசைகளையும் பிரதிபலித்தன.

மனநலமும் ஆண்மையுடன் ஆழமாக இணைந்துள்ளது. ஆனால் பாரம்பரிய ஆண்மை உணர்ச்சி வெளிப்பாட்டைத் தடுக்கிறது. எப்போதும் வலிமையானவராக இருக்க வேண்டும் என்ற அழுத்தம் மனஅழுத்தம், மனச்சோர்வு போன்ற பிரச்சனைகளை உருவாக்குகிறது எனினும், மனநல விழிப்புணர்வு ஆண்களுக்கு உதவி கேட்கவும் பாரம்பரிய எண்ணங்களை சவாலில் ஆழ்த்தவும் வாய்ப்பு அளிக்கிறது.

குடும்பத்தின் கண்ணியமும் சமூக நிலையும் அடிப்படையாக கொண்டு ஆண்களின் செயல்கள் மதிப்பிடப்படுகின்றன. இந்த தரநிலைகளில் இருந்து விலகுவது ஆண்களுக்கு அவமானமாக கருதப்படுகிறது. மரியாதை மற்றும் அவமானம் என்ற இரு கருத்துகளும் இன்றைய ஆண்மையுடன் தொடர்புடையவை மேலும் சிக்கலாக்குபவை.

ஆகவே, இந்திய ஆண்மை ஒரு ஒற்றை கருத்துமல்ல; அது வரலாறு, பண்பாடு, மதம், ஊடகம், உலகமயமாக்கல், சமூக–அரசியல் சூழல் ஆகியவற்றின் கலவையாகும். வலிமை, மரியாதை, கடமை, அதிகாரம் போன்ற பாரம்பரிய ஆண்மைக் கோட்பாடுகள் இன்னும் நிலைத்திருந்தாலும் உணர்ச்சி வெளிப்பாடு, சமத்துவம், சிந்தனை போன்ற புதிய மதிப்புகளுடன் மோதிக்கொண்டும் இணைந்தும் இந்திய ஆண்மை வளர்ந்து வருகிறது.

முகலாய–பிரிட்டிஷ் தாக்கத்துடன் கூடிய இடைக்கால கருத்துக்களும் மத அடிப்படையிலான நடைமுறைகளும் ஆண்மையை உருவாக்கியும் சவாலில் ஆழ்த்தியும் வருகின்றன.

---

Read More

சத்தாய் நிஷ்களமாய் ஒருசாமியமும் இலதாய் /All Powerful and Formless -கிருஷ்ணபிள்ளை.

 சத்தாய் நிஷ்களமாய் ஒருசாமியமும் இலதாய்

சித்தாய் ஆனந்தமாய்த் திகழ்கின்ற திரித்துவமே

எத்தால் நாயடியேன் கடைத்தேறுவன் என்பவந்தீர்ந்து

அத்தா உன்னையல்லால் எனக்கார்துணை யாருறவே

https://josephinetalks.blogspot.com/2024/11/blog-post_17.html

•  நீயே (இறைவா) ஒலி வடிவமாகவும், அதே நேரத்தில் அமைதியான, எந்த வடிவமும் இல்லாத, ஒரே அப்பாற்பட்ட சாமியாகவும் இருக்கிறாய்.அதாவது, “நீயே அனைத்திலும் ஊடுருவி நிறைந்திருக்கும் ஆன்மா — நிஷ்கல (அவயவமில்லாத, வடிவமில்லாத) பரம்பொருள்.”
•  நீ சித்தம் (அறிவு), ஆனந்தம் (மகிழ்ச்சி) ஆகிய வடிவில் திகழும் திரித்துவமாக இருக்கிறாய்.
• இத்தகைய தாழ்மையான அடியேன் (நாயடியேன்) எப்படி மீட்சியை அடைவேன் எனும் எண்ணம் உன்னையே சார்ந்தது;“நீயே தீர்மானித்தால் தான் நான் கடைத்தேறுவேன்” என்ற முழு சமர்ப்பண உணர்வு.
• அப்பா! உன்னைத் தவிர எனக்குத் துணை யார் இருக்க முடியும்?— முழு நம்பிக்கையும், அன்பும், அடிமைத்தனமும் வெளிப்படுத்தும் அழகிய இறுதிப் பாகம். 

எம்மா விக்குருகி உயிரீந்து புரந்ததற்கோர்

கைம்மாறுண்டுகொலோ கடைகாறுங் கையடையாய்

சும்மாரட்சணை செய் சொல்சுதந்தரம் யாதுமிலேன்

அம்மான் உன்னையல்லால் எனக்கார்துணை யாருறவே

• என் போன்ற மடையானவன் (எம்மா) — உனது அருளால் மெலிந்து (விக்குருகி), உயிரை அர்ப்பணித்து உனது திருவருளுக்காக வாழ்ந்ததற்காக,
• இதற்குப் பதிலாக (கைம்மாறு) எனக்கேதும் கிடைக்கும் என்கிற நம்பிக்கையோ?ஏனெனில் இறுதி நேரத்திலும் (கடைகாறும்), என் கையில் (உன்னிடத்தில்) எதுவும் இல்லை எனது பாவங்கள் தவிர என்னுடைய சொத்து ஒன்றுமில்லை.
• நான் எதையும் செய்ய முடியாதவன்; என் வாக்கிலும் (சொல் சுதந்திரமுமில்லை), சக்தியுமில்லை.நீயே சும்மா — தன்னாலேயே — என்னை இரக்கமாய் காத்தருள்வாயாக.
• அன்பான இறைவா! உன்னைத் தவிர எனக்குத் துணையாக யாரும் இல்லை.நீயே என் ஒரே தாங்கல், தாயும் தந்தையும் நீயே.

திரைசேர் வெம்பவமாம் கடல்முழ்கிய தீயரெமைக்

கரைசேர்த் துய்க்க வென்றே புணையாயினை கண்னிலியான்

• பரசேன் பற்றுகிலேன் என்னைப்பற்றிய பற்றுவிடாய்

  அரசே உன்னையல்லால் எனக்கார்துணை யாருறவே

• “பாவம் மற்றும் துன்பத்தில் மூழ்கிய துயரமான உயிர்களாக நாங்கள் இருக்கிறோம்.”அலைகள் மோதும் தீயச் சமுத்ரத்தில் (பாவக்கடலில்) மூழ்கிய நாங்கள்,
• வெம்பவம் (தீய குணங்கள், துன்பம், பாவம்) சூழ்ந்தவர்களாக இருப்போம்.அந்த பாவக் கடலிலிருந்து எங்களை மீட்க நீயே தாங்கலாக, வழியாக, படகாக வந்தாய்.”
• நான் உன்னை விட்டுப் போகவில்லை, நீயும் என்மேல் உன் அருளைத் தளர விடாதே.
• ”அரசே! (என் இறைவா!) உன்னைத் தவிர எனக்குத் துணையாக யார் இருக்க முடியும்?

தாயே தந்தை தமர் குருசம்பத்து நட்பெவையும்
நீயே எம்பொருமான் கதிவேறிலை நிண்ணயங்காண்
ஏயே என்றிகழும் உலகோடெனக் கென்னுரிமை
ஆயே உன்னையல்லால் எனக்கார்துணை யாருறவே

1. நீயே எனக்கு தாய், தந்தை, உறவினர், குரு (ஆசான்), செல்வம், நட்பு — எல்லாம் நீயே.
2. எங்கள் ஆண்டவனே! நீயே எங்கள் ஒரே தாங்கல்; உன்னைத் தவிர வேறு வழி இல்லை —இதை (எனது உள்ளத்தின் நிலையை) நீயே அறிந்திருக்கிறாய்.
3. ஏய், போ!’ என்று வெறுத்து நிற்கும் உலகத்துடன் எனக்கென்ன உறவு?உலகம் என்னைத் தள்ளி வைக்கும் போதும் எனக்குத் துன்பம் இல்லை — ஏனெனில் நீயே எனது ஆதாரம்.
4. அன்பான இறைவா! உன்னைத் தவிர எனக்குத் துணையாக யாரும் இல்லை.

இறைவா, நீயே எனக்கு தாய், தந்தை, உறவினர், குரு, செல்வம், நண்பர் — எல்லாம் நீயே.
உன்னைத் தவிர வேறு வழி எனக்கில்லை என்பதை நீயே அறிவாய்.
இந்த உலகம் என்னை நிராகரித்தாலும், எனக்குத் துயரம் இல்லை — ஏனெனில் நீயே என் ஆதாரம்.
என் அன்பான ஆண்டவனே, உன்னைத் தவிர எனக்குத் துணையாக யாருமில்லை.

பித்தேறிச் சுழலும் ஜெகப்பேய்பிடித் துப்பவதே

செத்தேன் உன்னருளால் பிழைத்தேன்மறு ஜென்மம தாய்
எத்தோ ஷங்களையும் பொறுத்தென்றும் இரங்குகவென்று
அத்தா உன்னையல்லால் எனக்கார்துணை யாருறவே

• உலகம் பித்தேறி சுழன்று கொண்டிருக்கிறது — மாயையின் பிடியில், பேயால் பிடிக்கப்பட்டவர்போல் திகைத்து அலைகிறது.நானும் அந்த உலக மயக்கத்தில் சிக்குண்டவனாய் தவித்தேன்.
• அந்த நிலையிலே நான் ஆன்மீகமாய் “செத்தேன்” — எனது பழைய பாவ வாழ்க்கை முடிந்தது.
  ஆனால் உன்னுடைய அருளால் நான் மீண்டும் பிறந்தேன்; இது என் புதிய (ஆன்மீக) பிறவி.
• என் அனைத்து தவறுகளையும், துஷ்டங்களையும் பொறுத்து, என்றும் என்மேல் இரக்கம் காட்டுவாயாக.
• அப்பா! உன்னைத் தவிர எனக்குத் துணையாக யார் இருக்க முடியும்?

துப்பார் சிந்தையிலேன் மறைந்தீட்டிய தொல்வினையும்
தப்பா தேவெளியாநடுநாளெனைத் தாங்கிக்கொள்ள
இப்பா ருய்யவென்றே மனுக்கோலமெ டுத்த எங்கள்
அப்பா உன்னையல்லால் எனக்கார்துணை யாருறவே

• என் மனம் தூய்மையற்றது;பல காலமாகச் சேகரித்த (மறைந்துவிட்ட) பழைய பாவங்களும் என்னுள் நிறைந்திருக்கின்றன.
• அந்தப் பாவங்களின் காரணமாக நான் தப்ப முடியாத நிலைக்கு வந்துவிட்டேன்;
  உலக வாழ்க்கையின் நடுநாளில் (வயது/நடுவயது) எனைத் தாங்கி நிறுத்த வேண்டும், இறைவா!
• இம்மண்ணில் மனித வடிவெடுத்து வந்து,
  ‘இந்த உலகம் மீள்வதற்காக’ என்று தானாகவே மனிதராகிய எங்கள் ஆண்டவா!
•  அப்பா! உன்னைத் தவிர எனக்குத் துணையாக யார் இருக்க முடியும்?

சைவ சித்தாந்தம், வைணவ பக்தி, உபநிஷத தத்துவம் ஆகியவற்றோடு ஆழமான ஒற்றுமை கொண்டவை.

 இரண்டிலும் மையக் கருத்து ஒன்றே —மனிதன் பலவீனமானவன்;பாவம், மாயை, துன்பம் ஆகியவற்றில் சிக்கியவன்;ஆனால் இறைவனின் அருளால் மட்டுமே இரட்சிக்கப்பட முடியும்.

திருவாசகம் மற்றும் கிறிஸ்தவ பக்திப் பாடல்களில் உள்ள ஆன்மீக ஒற்றுமைகள் 

தமிழ் ஆன்மீக இலக்கியத்தில் “பக்தி” என்பது எல்லா சமயங்களுக்கும் பொதுவான உணர்வாகும். சைவ, வைணவ, கிறிஸ்தவம் என வேறுபட்ட மதங்கள் இருந்தாலும்,
அனைத்திலும் இறைவன் மீதான முழுமையான சமர்ப்பணம், தாழ்மை, இரட்சிப்புக்கான ஏக்கம் ஆகியவை ஒரே திசையில் ஒலிக்கின்றன.  சைவ மரபின் மணிக்கவாசகர் எழுதிய திருவாசகம் மற்றும் கிறிஸ்தவ மரபின் தமிழ் பக்திப் பாடல்கள் இரண்டும்

இந்த பக்தியின் சாரம் — 

“அருளாலே மீட்பு” என்ற மையக் கருத்தில் இணைகின்றன.

வடிவமில்லாத இறை – அனைத்திலும் நிறைந்த பரமன்

திருவாசகம் கூறுகிறது:

“அருளாலே அவன் தன்னை அறிய அருளினான்.”

அதேபோல் கிறிஸ்தவ பாடல் கூறுகிறது:

“சத்தாய் நிஷ்களமாய் ஒருசாமியமும் இலதாய்
சித்தாய் ஆனந்தமாய்த் திகழ்கின்ற திரித்துவமே.”

இரண்டிலும் இறைவன் வடிவமில்லாதவன், அறிவும் ஆனந்தமும் நிறைந்தவன் என்று தத்துவம் நிலைகொள்ளுகிறது.
ஒரு பிரபஞ்ச சக்தி என்றே பார்க்கப்படுகிறது — வேறுபாடு சொற்களில் மட்டுமே.

2. பாவக் கடலில் மூழ்கும் மனிதன் – அருளாலே மீட்பு

திருவாசகம் கூறுகிறது:

“பாவி என்னைப் பாவமறப் பாவனையால் காப்பாயே.”

கிறிஸ்தவ பாடல் அதேபோல்:

“திரைசேர் வெம்பவமாம் கடல்முழ்கிய தீயரெமைக்
கரைசேர்த் துய்க்க வென்றே புணையாயினை.”

இங்கு இரண்டிலும் மனிதன் பாவத்தின் கடலில் மூழ்கியவன் எனக் காணப்படுகிறான்.
அவனை மீட்கும் வழி ஒரே ஒன்று — இறைவனின் அருள்.

3. முழு சரணாகதி (Surrender) உணர்வு

திருவாசகத்தில் மணிக்கவாசகர் சொல்கிறார்:

“நீ அல்லால் யாரை நம்புவேன் என் நாயகா!”

கிறிஸ்தவ பாடலில் அதே நெஞ்சுருக்கும் அழுகை:

“அத்தா உன்னையல்லால் எனக்கார்துணை யாருறவே.”

இது முழுமையான இறை சார்பு –
மனிதன் தன்னால் ஒன்றும் செய்ய முடியாது;
இறைவனின் அருளே அவனது தாங்கல்.

4. தாய், தந்தை, நண்பன் – எல்லாவற்றுமாய் இறைவன்

திருவாசகம்:

“தாயே தந்தைத் தானே, எனக்கு அருள்செய்.”

கிறிஸ்தவ பாடல்:

“தாயே தந்தை தமர் குருசம்பத்து நட்பெவையும்
நீயே எம்பொருமான் கதிவேறிலை.”

இரண்டிலும் இறைவன் மனித உறவுகளின் எல்லா வடிவங்களையும் தன்னுள் கொண்டவன்.
இறைவன் ஒரு அன்பான தந்தை, தாய், தோழன் மனிதன் அவனிடம் முழுமையாக நம்பிக்கை வைப்பவன்.

5. உலக மாயை மற்றும் மறுபிறப்பு உணர்வு

திருவாசகம்:

“பித்தாய்ப் பித்தராய்ப் பித்தனை யேத்தினேன்.”

கிறிஸ்தவ பாடல்:

“பித்தேறிச் சுழலும் ஜகப்பேய்பிடித்துப்பவதே.”

இரண்டிலும் உலக வாழ்க்கை மாயையால் மயங்கிய பித்தநிலை என வர்ணிக்கப்படுகிறது.
அந்த நிலையிலிருந்து மீட்கும் வழி — “இறை அனுபவம்” அல்லது “இயேசுவின் அருள்”.

6. அவதாரம் மற்றும் மீட்பு

வைணவ மரபு கூறும்:

“உலகம் தப்பப் பிறந்தாய், என் கண்ணா.”

கிறிஸ்தவ பாடல் கூறுகிறது:

“இப்பா ருய்யவென்றே மனுக்கோலமெடுத்த எங்கள் அப்பா.”

இரண்டிலும் இறைவன் மனித வடிவெடுத்து வந்தது உலக மீட்சிக்காக என்பதே கருத்து.
அது விஷ்ணுவாக இருக்கட்டும் அல்லது இயேசுவாக இருக்கட்டும் — நோக்கம் ஒன்றே: உலக இரட்சிப்பு.

7. மையக் கருத்து – அருளாலே மீட்பு

இரு மரபுகளின் சுருக்கம் இதுதான்:

• மனிதன் பலவீனமானவன்.

• பாவமும் மாயையும் அவனை அடக்குகின்றன.

• அவன் தன்னை மீட்க முடியாது.

• இறைவன் அருளினாலே மட்டுமே இரட்சிப்பு சாத்தியம்.

இந்த ஒற்றுமை தமிழ் பக்தி மரபின் தெய்வீக சாயலை எல்லா சமயங்களிலும் இணைக்கும் பாலமாகிற

திருவாசகத்தின் மணிக்கவாசகர் மற்றும்
கிறிஸ்தவ பக்திப் பாடல்களின் ஆசிரியர் இருவரும்
வேறு மதப் பின்புலத்திலிருந்தாலும்,
அவர்களின் ஆன்ம அனுபவம் ஒரே ஒளியில் ஒலிக்கிறது —
அது அன்பு, அருள், சமர்ப்பணம், இரட்சிப்பு.

இரண்டிலும் இறைவன் மனிதனை நிராகரிக்கவில்லை;
அவன் தன் பாவங்களோடு வந்தாலும்,
அருளால் தழுவிக் கொண்டு “என் பிள்ளை” என்கிறான்.

இதுவே — திருவாசகம் மற்றும் கிறிஸ்தவ பக்திப் பாடல்களின் ஆன்மீக ஒற்றுமையின் நித்யப் பொற்கொடி.

Read More

ரெவ.கானன் ஆர்தர் மார்கோஷிஸ்

 “நாசரேத்தின் தந்தை” என்று போற்றப்படும்   Rev.கானன் ஆர்தர் மார்கோஷிஸ்,  திருநெல்வேலியிலிருந்து 36 கி.மீ தொலைவில் உள்ள சான்பத்து” என அழைக்கப்பட்ட சிறு கிராமத்தை  தனது 31 ஆண்டுகள் ஆன்மீக மற்றும் சமூகப் பணியால் கிறிஸ்தவப்பட்டணமாக   நாசரேத் என்ற பெயரில்  மாற்றியமைத்தார். இஸ்ரேலில் உள்ள பிரபல நாசரேத்தைப் போலவே மறுபெயரிட்டுக் கொண்டு வளர்ச்சிப்  பணியை ஆரம்பித்தார்.  

 ஆர்தர் மார்கோஷிஸ், இங்கிலாந்தின் வார்விக்ஷைர் மாகாணத்தில் உள்ள லீமிங்டன்(Lamington) என்ற கிராமத்தில்,  தாமஸ் டேவிட் சாமுவேல் மார்கோஷிஸ்   மற்றும் மேரி ஆன் மார்கோஷிஸ் தம்பதிக்கு  1852 டிசம்பர் 24ஆம் தேதி பிறந்தவர்.  எட்டு பிள்ளைகளில் இளையவர் ஆர்தர்.  அவரது தந்தை போலந்து யூதர் ஆவார்.   

ஆர்தர் மால்ட்ரம்  இன்லாங்க்டென்டேல்  கிராமர்  பள்ளியில் படித்தார்;  பின்னர் .தனது  17வது வயதில் பைபிள் அறிவில் சிறந்து விளங்கியதால் வார்மின்ஸ்டர் மிஷன் கல்லூரியிலும் பின்னர் செயிண்ட் ஆகஸ்டின்ஸ்,  காந்தர்பரியிலும் கல்வி கற்றார். லண்டனில் உள்ள செயிண்ட் ஜார்ஜ் மருத்துவமனையில்  மருத்துவ மாணவராக சேர்ந்தார். அங்கே Royal College of Surgeons  நடத்திய உடற் கட்டமைப்பு மற்றும் உடல் இயல் பரிசோதனையில் தேர்ச்சி பெற்றார். ஆனால் M.R.C.S மற்றும் L.R.C.P பட்டத்திற்கு முன்பே, திருநெல்வேலியில் இருந்த மிஷனரி ராபர்ட் கால்டுவெல்லின் அழைப்பை ஏற்று  இந்தியா வருவதற்கு  முடிவு செய்தார். 

அவரது நண்பர்கள் மற்றும் குடும்பத்தினர் படிப்பை  முடித்தபின், இந்தியா செல்ல அறிவுறுத்தினர்.   ஆனால்  “இது என் வசதிக்கேற்ப செய்யக்கூடிய வேலை அல்ல” எனக் கூறி  உடனே புறப்பட்டு வந்தார். 

 1875-  ஆம் ஆண்டு  22 வது வயதில் மதராசு வந்து சேர்ந்தார்.  பின்பு  இடையன்குடியை  அடைந்தவர்  கால்டுவெல்லுடன் தங்கி தமிழ் கற்று  தேர்ச்சி பெற்றார்.  

1876 டிசம்பரில் நாசரேத்தில் பணியைத் தொடங்கினார்.  1877 மார்ச் 25-ஆம் தேதி செயிண்ட் ஜார்ஜ் பேராலயத்தில் டீக்கனாக ஒப்புதல் பெற்றார்.  முதலில் மருத்துவமனை மற்றும்   பள்ளிகளின்   பொறுப்பை ஏற்றார்.  ஆர்கனிஸ்ட், கீர்த்தனை ஆசிரியர், போதகர் என தேவாலயத்தில் பன்முக பணி ஆற்றினார்.  1880ல் குருபட்டம் பெற்றபின்  நாசரேத் மிஷனை  முழுமையாகக் கவனித்தார்.

 லண்டன் மிஷனரி சொசைட்டி (LMS) போதகர் சார்லஸ் மீட் அவர்களின் மகள் அன் கேம்மெரர் நாசரேத்தில் செயிண்ட் ஜான்ஸ் மகளிர் உயர்நிலைப் பள்ளியைத்  1843ல் தொடங்கியிருந்தார். இது தென்னிந்தியாவில் தொடங்கப்பட்ட முதல் மகளிர் பள்ளி ஆகும் .   

1876ல் மார்கோஷிஸ் இங்கு மேலாளராக நியமிக்கப்பட்டார்.  அதேபோல நாசரேத் பள்ளிகளில் இந்து மாணவ, மாணவிகள் பயின்றனர். இதனால் அவர் எல்லா சமூகத்தினரின் மரியாதையைப் பெற்றார். 

 மேலும், அவர் நாசரேத் மருத்துவமனைக்கும் பொறுப்பாளர் ஆனார். மருத்துவப் பயிற்சியால், சிறிய அறுவைச் சிகிச்சை முதல் சிக்கலான சிகிச்சைகள் வரை திறம்பட செய்தார். அவர் வைத்தியத்தையும், அறுவைச் சிகிச்சையையும் பாராட்டி இருந்தனர். மருத்துவத்தில் நவீன நூல்களைத் தொடர்ந்து படித்து வந்தார். மருத்துவமனையில் சிகிச்சை பெற்றவர்களில் மூன்றில் ஒரு பங்கு கிறிஸ்தவர்கள் அல்லாதோர்  இருந்தனர். .

 ஒருமுறை மதராசுக்குப் போன போது, மக்கள் அவர் அங்கேயே மாற்றப்படுவார் எனக் கவலைப்பட்டனர்.  திரும்பியபோது வழியிலுள்ள பல ஊர்களில் அவரை விளக்குகள், யானைகள், ஊர்வலங்களால் மக்கள் வரவேற்றனர். நாசரேத்தை அடையும் வரை புறநகர் கிராமங்களில் வரவேற்பு தொடர்ந்தது. அவ்வாறாக எல்லா  மக்களின் ஆதரவு பெற்ற இறை பணியாளராக இருந்தார்.

 1877ல் கடும் பஞ்சம் ஏற்பட்டது. பல ஆயிரம் பேர் இறந்தனர். பல குழந்தைகள் அனாதைகளாக ஆனார்கள். 1878-ல் மார்கோஷிஸ் ஒரு அனாதை இல்லம் தொடங்கினார்.

இது பின்னர் 250 மாணவர்களை கொண்டு  தச்சு வேலை, கருமை வேலை, தையல், நெய்தல், பூச்சிகை, லேஸ், ஓவியம் உள்ளிட்ட எட்டு கலைகளை கற்று கொடுக்க  1887-க்குள்ஆர்ட் அண்ட் இண்டஸ்டிரியல் ஸ்கூல் துவங்கினார்.

1882-ல் சிறுவர்களுக்காக ஆங்கில-வெர்னாகுலர் பள்ளி  (இன்றைய மார்கோஷிஸ் உயர்நிலைப்பள்ளி) தொடங்கினார்.  1885ல் மதராசுப் பிரெசிடென்சியால் “சிறந்த பள்ளி” எனப் பாராட்டப்பட்டது. 1889-ல் உயர்நிலைப்பள்ளியாக மேம்படுத்தப்பட்டது.  

1862 இல் சாயர்புரத்தில் உயர்நிலைப் பள்ளியைத் தொடங்கியிருந்த பிஷப் கால்ட்வெல், மார்கோஷிஸ் தொடங்கிய உயர்நிலைப் பள்ளியை போட்டி பள்ளியாகக் கருதினார். கால்ட்வெல்லின் எதிர்ப்பு மற்றும் மறுப்பை புறக்கணித்து மறைமாவட்டக் குழுவான  மெட்ராஸ் எஸ்.பி.ஜி. மார்கோஷிஸ் பள்ளியைத் தொடங்க அனுமதி அளித்திருந்தது.  . ஆனால் கால்ட்வெல் பிடிவாதமாக 1892-இல் அந்தப் பள்ளியை மூடச் செய்து, சிறுவர்களுக்கான நடுநிலைப் பள்ளியை மட்டும் விட்டுச் சென்றார்.

  

நாசரேத் மிஷனில் நியமிக்கப்பட்டதும் சில சமயங்களில் சக மிஷனரிகளுடன் கருத்து வேறுபாடு ஏற்பட்டது.  குறிப்பாக ஷார்ராக் மற்றும் விக்கர்ஸ் ஆகியோருடன்  மோதலில் ஈடுபட்டார். ஜாதிப் பட்டங்களைப் பயன்படுத்தும் விஷயத்தில், மார்கோஷிஸ் ஷார்ராக்குடன் முரண்பட்டார். ஜாதிப் பெயர்கள் வெறும் மரியாதைப் பட்டங்கள் மட்டுமே; அவை இனி மதப்பொருளற்றவை என்று அவர் கருதினார்.  கிறிஸ்தவர் ஒருவர் ஜாதிப் பட்டம் பயன்படுத்துவதில் மார்கோஷிஸ் கவலைப்படவில்லை.   தமக்கு ஒத்துழைக்காதவர்களைப் பற்றி தீயவார்த்தைகளைச் சொல்வதாக  மார்கோஷிஸ் பற்றி அவர்கள் புகார் தெரிவித்தனர்.  சில சந்தர்ப்பங்களில் ராபர்ட் கால்ட்வெல் தலையிட்டு இந்தச் சச்சரவுகளைத் தீர்க்க வேண்டியிருந்தது. ஆனால் சில தாழ்த்தப்பட்ட ஜாதி சமூகங்கள் ஜாதிப் பட்டங்களை ஒருபோதும் ஆதரிக்கமாட்டார்கள் என்று ஷார்ராக் வாதிட்டார்.

 மார்கோஷிஸ், ஜாதியின் விதிமுறைகள் மற்றும் பழக்கவழக்கங்கள் முற்றிலும் மதக்கருத்துடன் தொடர்பில்லாதவை, அவை  சமூக நோக்கத்தைக் கொண்டவை,  என்று  கூறினார் . உண்மையான அரசியல் பொருளாதாரம், சமூக அறிவியல் மற்றும் நெறிமுறை கோட்பாடுகளைக் கொண்டு ஜாதியை மக்களே  மாற்றக்கூடும் என்றும்  நம்பினார். 

 எஸ்.பி.ஜி. மிஷனில் உள்ள கற்றகிஸ்ட் மற்றும் ஆசிரியரான ஏ. என். சத்தம்பிள்ளை , ரெவ. கேமரர்  மிஷனரி தேர்ந்தெடுத்த பெண்ணை மணக்க மறுத்துவிட்டதால், அவர் பணி நீக்கம் செய்யப்பட்டார்.  பழைய நாட்களில், கிறிஸ்தவர்களின் தனிப்பட்ட வாழ்க்கையைப் ஒரு அளவுக்கு மிஷனரிகள் ஒழுங்குபடுத்துவது அபூர்வமல்ல. இருப்பினும்  நாசரேத் ஆசிரியர் சத்தம்பிள்ளைக்கு அவர் விரும்பின பெண்னை  மணம் முடிக்க ஏற்பாடு செய்து கொடுக்க விரும்பினார்.

 1849 இல், ரெவ. ராபர்ட் கால்ட்வெல்  “தி டின்னவேல்லி ஷேனார்ஸ்” எனும் சிற்றேடினை வெளியிட்டார். சாணார் என்ற பெயரில் தங்களை அவமதிப்பதாக நாடார்  ஜாதியைச் சேர்ந்த மக்கள், பிஷப் கால்ட்வெல் தங்களை மோசமான முறையில் சித்தரித்ததாக உணர்ந்தனர். பின்னர், ரெவ. மார்கோஷிஸ் வந்தபின், நாசரேத்தைச் சேர்ந்தவரும்  திருநெல்வேலி நீதிமன்றத்தில் எழுத்தருமாக இருந்த , வை. ஞானமுத்து நாடார், இந்த வெளியீட்டுக்கு எதிர்ப்பு தெரிவித்தார். அந்த நேரத்தில் நாசரேத்தில் பணியாற்றியிருந்த ரெவ. மார்கோஷிஸ் இதற்குப்  பின்னணியில் இருந்தார் என ராபர்ட் கால்ட்வெல் சந்தேகித்தார். இதில் இவர்கள் முரண்பாடு வலுத்தது

மார்கோஷிஸ் பணி மதப்பணியோடு நிறுத்தவில்லை. பல முக்கியமான உள்கட்டமைப்புகளுக்கும் காரணமானார்.

திருச்செந்தூர் திருநெல்வேலி ரயில் பாதை நாசரேத்தில் செல்லும்படி ஏற்பாடு செய்தார். 

· சேமிப்பு சங்கம்,

· மகளிர் ஆசிரியர் பயிற்சி பள்ளி (1887),

·      இறையியல்  தத்துவ கல்லூரி ,

குழந்தைகள் மிஷன்,

              பிரசங்கக் குழுக்கள்,

·         இரவு பள்ளி,

       ரயில் நிலையம்,

·        ஆலை,

   தந்தி,

·         சாலைகள்

எனப் பலவற்றை ஏற்பட காரணமாக இருந்தார்.

முதலூர், கிறிஸ்தியநகரம் உள்ளிட்ட மொத்தம் 86 சபைகள்,  11,432 ஞானஸ்நானம் பெற்றவர்கள், 4,372 சபைக் கூட்டாளர்கள், 50 பள்ளிகளில் 2,483 மாணவர்கள், 120 ஆசிரியர்கள், இவரின் கீழ் இருந்தனர்.

 நாசரேத் 1855 ம் ஆண்டில், மக்களிடமிருந்து தேவாலய நிதியாக   ஒரே நாளில் ரூ. 1,300 வரை திரட்டுவதில் முன்னிலை பெற்றது.  1865-ஆம் ஆண்டில், தென் இந்தியாவில் உள்ள தேசீய குருக்கள் (native clergymen) நிதியுதவிக்காக, அவர்களது பங்கில் உள்ளூர் கிறிஸ்தவர்கள் அளிக்கும் காணிக்கைகளை ஊக்குவிக்கும் பொருட்டு, £1,000 தொகையை அந்தச் சங்கம் ஒதுக்கியது.

உண்மையிலேயே நாசரேத் இந்தியாவின் மிகச் சிறந்த மிஷன்களில் ஒன்றாக இருந்தது. மதராஸ் மறைமாவட்டத்தில் சங்கத்துடன் தொடர்புடைய மிகப் பெரிய மிஷன் இதுவாகும்.. மார்கோஷிஸின் மேற்பார்வையில், விசுவாசிகளின் எண்ணிக்கை பெரிதும் அதிகரித்தது, மேலும் அனைத்து துறைகளிலும் முன்னேற்றம் காணப்பட்டது.

மருத்துவப் பணி, அனாதை இல்லம், கலை தொழில்துறை பள்ளி ஆகியவை குறிப்பிடத்தக்க வளர்ச்சியை அடைந்தன. ஆரம்ப, நடுநிலை, மற்றும் மேல்நிலைப் பள்ளிகள்  சங்க நிதியுதவியின்றி இயங்கின.  

சுயநிதி (self-support) பணி கடமையாக வலியுறுத்தப்பட்டு, கிறிஸ்தவர்கள் பணக்கொடைகளுடன் மாதந்தோறும் தேவாலயங்களில் தங்கள் விளைச்சலின் முதல் கனிகளையும் காணிக்கையாக அளிக்கத் தொடங்கினர்.

சுவிசேஷப் பணி என்பது தன்னை கிறிஸ்துவர் என்று அழைக்கும் ஒவ்வொருவரின் கடமையின் ஒரு பிரிக்க முடியாத பகுதியாகும்., ஒவ்வொருவரு கிறிஸ்தவனும் தங்கள் துறையில் சத்தியத்திற்கு சாட்சியாக நின்று  மிஷனரியாகச் செயல்பட முடியும் என வலியுறுத்தினார்.

இவ்வாறு திரு. மார்கோஷிஸ் 1889 ஆம் ஆண்டு நான்கு கிராமங்களிலிருந்து திரட்டப்பட்ட சுமார் 500 பேர், இரண்டு ஆண்டுகளுக்கான கற்றலும் பரிசோதனையும் முடிந்தபின், கிறிஸ்தவர்களாக மாறினர் என்று குறிப்பிட்டு உள்ளார். 

மதராஸ் மறைமாவட்ட ஆயர் , 1892 ஜனவரி மாதத்தில் நாசரேத் கிறிஸ்தவர்களைச் சந்தித்தபோது:“மதராஸ் மண்டலத்தின் முழுவதிலும்  , நாசரேத்தில் போல இத்தனை பலவிதமான பயனுள்ள பணிகள் நடைபெறும் மற்றொரு இடம் இல்லை” என்று குறிப்பிட்டார்.

 1896 ஆம் ஆண்டு நாசரேத்தைப் பார்வையிட்ட பின், அரசின் பொது கல்வித் துறை இயக்குநர் தனது அறிக்கையில் திருநெல்வேலியில் ஆண், பெண் இருவருக்கும் கல்வியின் உயர்ந்த  அளவில் உள்ளது, பல்வேறு பள்ளிகளில் நடைபெறும் பணியின் மதிப்பு, என்னை ஆழமாக கவர்ந்தது என்று குறிப்பிட்டார்: 

 திருநெல்வேலி மாவட்டத்திற்கு மட்டுமல்லாமல், இந்தியா மற்றும் சிலோனில் உள்ள பல மிஷன் மற்றும் அரசு கல்வி நிறுவனங்களுக்கும் ஆசிரியர்களை வழங்கின. 

மதராசுப் பல்கலைக்கழகத்தில் மார்கோஷிஸ்,உறுப்பினராக நியமிக்கப்பட்டார்.

1901-ல் வைச்ராயிடம் இருந்து கைசர்-இ-ஹிந்த் பதக்கம் பெற்றார்.

1902- செயிண்ட் ஜார்ஜ் பேராலயத்தில் கானனாக நியமிக்கப்பட்டார்.

 ஒவ்வொரு ஆண்டும் கானன் மார்கோஷிஸ் நினைவு கோப்பை எனும் மாநில மட்டப் பந்தாட்ட போட்டி நாசரேத்தில் நடத்தப்படுகிறது.

1906 ல் நாசரேத்தில் வெள்ளம், காலரா போன்ற இயற்கைச் சோபத்தின்போது மக்களுக்குச் சேவை செய்து வந்தார். அவருக்கு எப்போதும் உடல் நலம் குறைவாகவே இருந்தது. தினமும் மூன்று மணி நேரத்திற்கும் குறைவாகவே தூங்கும் வழக்கம் கொண்டிருந்தவர். 1908 ஏப்ரல் 23-ஆம் தேதி கொழும்பு செல்லும் வழியில் தூத்துக்குடியில் தங்கி, உடல்நலக்குறைவால் ஓய்வெடுத்தார். ஏப்ரல் 27 தேதி 1908 அன்று காலை சிறிய உணவு உண்ட பின் தூங்கிய நிலையில் அவர் மறைந்தார். அவர் திருமணம் செய்து கொள்ளவில்லை.

கிறிஸ்தவம் எப்படி சமூக நலனுக்கு மக்கள் வளர்ச்சிக்கு பங்காற்ற வேண்டும் என கற்று கொடுத்தவர்  ரெவ.கானன் ஆர்தர் மார்கோஷிஸ். இன்றைய நாசரேத் தற்போதைய அரசை சார்ந்து இருக்கும் நிலையை கேள்விக்கு உள்ளாக்க வேண்டி உள்ளது.எல்லா ஊர்களிலும் என்பது போல் ஊருக்குள் சாராயக்கடை வைத்திருக்கும் ஊர் நாசரேத், என்பதையும் சிந்திக்க வேண்டி உள்ளது. ரெவ.கானன் ஆர்தர் மார்கோஷிஸ் துவங்கி வைத்த எத்தனை நிறுவனங்கள் தற்போதும் நடை பெறுகிறது என்பது தற்கால சபை தலைமைகள் தர வேண்டிய பதில்!

 

 

Read More